Urduñako eskolak aipamen berezia lortu du Aktibatu + eskola programan

Erabiltzailearen aurpegia

Aktibatu+ erakundeak zentro batzuen lana bereziki aipatu nahi izan du, eta sariak jaso dituzte. Emandako sarien artean, iraunkortasun arloko Bizkaiko ekipamendu batzuetara egindako bisita gidatuak egon dira, hala nola Mutrikun olatuak aprobetxatzeko dauden instalazioetara, Metro Bilbaoren makina-gelara eta abar.

Urduñako eskolak bisita gidatua egingo du Ur Partzuergoak Urduñan dituen instalazioetara, Gartxetako araztegira eta Urduñako Hondakin Uren Araztegira Bilbo Bizkaia Ur Partzuergoaren eskutik.

Aktibatu+ programak planetaren ingurumen-osasuna hobetzeko eta norberak ere onura lortzeko eguneroko ekintza txikiak sustatzen ditu Bizkaiko herritarren artean.“Aktibatu+” programa garatzen den udalerrietan, ikastetxeen parte-hartzea sustatzen ari da, eta orokorrean herritar guztiena, etxeko ohituren aldaketak bultzatuz (ikasleen familietatik hasi eta komunitate osora hedatuz).

Aktibatu+” eskola-programa

2013-2014ko edizioan “Aktibatu +” programa Arratia eta Nerbioi-Ibaizabalen landu dugu.Hauek izan dira parte hartu duten zentroak: Arrigorriaga BHI, Etxebarri BHI, Dima-Ugarana herri ikastetxea, Bengoetxe BHI, IPI Soloarte BHI, Eguzkibegi ikastola eta Urduñako eskola.

Energiaren gaia hartuz, ikastetxe bakoitzak bere elektrizitate-kontsumoa ikuskatzeari ekin zion. Bigarren fasean, ikasleak izan ziren baitaratutako ohitura kaltegarrien inguruan eskola-komunitate osoko kideak kontzientziarazteaz arduratu zirenak. Ondoren, lortutako aldaketak ebaluatu ziren.

Duela zenbait egun Urduñako eskolak lortutako emaitzen berri eman genuen Aiaraldean.

Parte hartu duten zentro guztiek lortu dute energia kontsumoa nabarmen murriztea, %11 eta %34 arteko portzentajeetan. Gainera, ikastetxean zituzten ohiturak ere asko hobetu dituzte.

Oraingoan Aktibatu+ erakundeak zentro batzuen lana bereziki aipatu nahi izan du, eta sariak jaso dituzte. Emandako sarien artean, iraunkortasun arloko Bizkaiko ekipamendu batzuetara egindako bisita gidatuak egon dira, hala nola Mutrikun olatuak aprobetxatzeko dauden instalazioetara, Metro Bilbaoren makina-gelara eta abar. Urduñako eskolak bisita gidatua egingo du Ur Partzuergoak Urduñan dituen instalazioetara, Gartxetako araztegira eta Urduñako Hondakin Uren Araztegira Bilbo Bizkaia Ur Partzuergoaren eskutik.

  • 1. Saria:
    • Dima-Ugarana Herri ikastetxea 
  • 2. Saria:
    • Bengoetxe BHI ( Galdakao) 
  • 3. Saria:
    • Soloarte IPI ( Basauri) 
  • Emaitzarik onenak lortu dituen zentroaren aipamen berezia:
    • Urduñako eskola
  • Komunikazio kanpainarik ikusgarriena egin duen zentroaren aipamen berezia:
    • Eguzkibegi Ikastola ( Galdakao) 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide