Elikadura burujabetzari bultzada berri bat emateko helburuz sortu da ekimena. Gaur egun eskualdean jasaten ari den egoeraren ondorioz gehien bat. Sustatzaileek orain arteko esperientzia, baserritarrak, kontsumitzaileak eta administrazioen babesa batu dituzte proiektu berri honetan.
Egun hauetan bilera egin dute elikadura burujabetza lortzeko baliabideak zehazteko eskualdeko udal guztiekin. Denek denentzako egindako proiektua izatea nahi dute antolatzaileek Iñaki Urkijoren hitzetan.
Elikadura burujabetzari bultzada berri bat emateko helburuz sortu da ekimena. Gaur egun eskualdean jasaten ari den egoeraren ondorioz gehien bat. Sustatzaileek orain arteko esperientzia, baserritarrak, kontsumitzaileak eta administrazioen babesa batu dituzte proiektu berri honetan.
Egun hauetan bilera egin dute elikadura burujabetza lortzeko baliabideak zehazteko eskualdeko udal guztiekin. Denek denentzako egindako proiektua izatea nahi dute antolatzaileek Iñaki Urkijoren hitzetan.
Lan ildo nagusiena orain arteko esperientzia izango da. Eskualdean duela urte asko garatu zen Ekoizpen agentzia Urduñan, nekazaritza proiektuaren hastapenak ere hasi ziren eta Esnetik kooperatiba ere martxan jarri zen. Hiru ekimenak lau zutabe nagusitan oinarritu dira: kudeaketa kolektiboa, ekoizpen eta kontsumoaren planifikazioa, ekoizpenaren kontrola eta azkenik agroekologia.
Proiektua Nerbioi Garaiko agroekologia taldetik jaio da, kontsumoaren aldetik kontsumitzaileek hartu dute parte eta oraingoan administrazioaren parte hartzea lortu dute. Eskualdeko udal guztiak batu ditu ekimen honek. Taldean 30 pertsona inguru sartu dira hasiera batean 15 partaide izateko aurreikuspena bazegoen ere.
Burujabetzaren egoerak eskualdean hobera egin duela uste du Iñaki Urkijok baina oraindik ere bultzada behar duela nabarmendu nahi izan du. Administrazioen laguntza izateak indar handiagoa emango dietelakoan daude.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
