Tubacex-ek, soldadurarik gabeko hodien esparruan munduko bigarren ekoizlea den enpresa, 2014ko lehen seihilekoa bukatu du 17,9 milioi euroko mozkinekin, zergak ordaindu baino lehen. Horrek suposatzen du %39,8an gainditu dituela 2013ko datuak. 2013. urtean etekinak 13,7 milioikoak izan ziren, aurreko urtean baino %28 gehiago.
Urtarrila eta ekaina artean enpresak 276,6 milioi euroko diru sarrerak izan ditu salmentak direla eta. Datuak pasa den urtekoak baino apur bat baxuagoak dira, aleazio-errekargu gutxiago ezartzen baitzaio hodiei lehengaien salneurriak direla eta, nikela bereziki.
Laudion egoitza duen enpresak adierazi du: “nahiz eta salmentetan emandako jaitsiera txikia, Tubacex-ek bere emaitzak eta seihileko ratioak hobetu ditu premium produktuen salmentan babesturik eta konpainiak garatutako enpresa-bikaintasun programak direla eta”.
Jesus Esmorís kontseilari delegatuak azaldu du 2013-2017ko Plan Estrategikoa berrikuskatzea erabaki duela eta helburuak urte bat aurreratuko dituzte, 2017rako aurreikusita zituzten helburuak 2016an beteko direlarik.
Hodiak ekoizten duen taldearen langileek produktibitate handia mantentzen dute.. 2013an langile bakoitzeko batezbesteko salmentak 284.617 eurokoak izan dira. Aurreko urtekoak baino apur bat gutxiago; 287.483 euro. Azkenengo laurtekoan (2010-2013) behargin bakoitzeko produktibitateak %40,74 igo da.