Ez dugu etsiko

Erabiltzailearen aurpegia

Ibili eta ibili eta azkenean, xomorro bategatik, oro moxorroz jantzirik ibiliko gara. Ez da makala! “My house is my castle” esaten omen zuten behiala, guk, berriz antzera: ene etxea ene kaiola. 

Tira, euskal sukalde batean “non ene txoko han ene goxo” idatzia dago, suburuan, eta egia, etxean bezala inon ez, bai, baina ez honela.

Eta munduko diktadore guztien ametsa egia bihurtua: nor den oro hesi peko etxean, hots, espetxean. Oraingoan, aldiz, ez da eskuineko agintari buruxkila batek barruitxi gaituena; oraingoan, militarrak lehen lerroan eta gure karrika hustuetan barrena agerrarazi dituena ustez ezkerrekoa den Espainiako gobernua izan da. 

Gure ustezko autonomiari tirrit egin dio...baina ez dugu 10 segundu xahutuko gurea defendatzen. Hori bai, e, ez diezagutela CONFEBASK-en fitsik uki! Zelako maila, gure jaurlari saila.

Eta, hori guti ez, eta “fake news” asmatu dituztela uste dute egungo frikiek, gezurra aspaldi asmatua izan ez bailitzan. A, baina feiknius esanda kulago dirudi, irudi. Dena delakoa dela, gezurte garai honetan, izurrite bat dagoela ezin uka, bat baino gehiago, aurki, eta aurka egin behar, aurpegian musukoa jantziz, antza.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide