Lanpostu eskaintza eta ordezkapen zerrenden berritzea

Erabiltzailearen aurpegia
Laudio Ikastola.

Laudio Ikastolak Lehen Hezkuntzako Gorputz Hezkuntza arloa emateko irakaslea behar du. Halaber, lan-poltsak berritzeko deia egin du.

Interesdunek Lehen Hezkuntza Gradua, Gorputz Heziketa minorra, eta EGA edo titulazio baliokidea izan beharko dute.

Curriculumak Ikastolako idazkaritzan edo curriculumak@laudioikastola.eus posta elektronikoan jasoko dira irailaren 25 arte.

ORDEZKAPEN ZERRENDEN BERRITZEA

Laudio Ikastolako ordezkapenetarako zerrendak, irakasle zein ez-irakasleenak, berritzeko deia zabaldu berri dugu.

Interesdunek curriculuma helarazi ahal dute curriculumak@laudioikastola.eus posta elektroniko helbidera bidaliz edo idazkaritzan utzita irailaren 28 arte.
Haur eta Lehen Hezkuntza

Ikasturte hasierako gorabeheren ondorioz, Haur eta Lehen Hezkuntzako ordezkapenetarako lan poltsatan bakante ugari eman dira.

Baremazioa

Ikastolako Kontratazio Batzorde Parekideak curriculumean adierazitako titulazioa kontutan hartuta irakasle eta ez irakasleen ordezkapenerako lan poltsatan barematuko ditu eskaerak.

Ordezkapen zerrenden antolaketan ez dira kontutan hartzen gaztelaniaz helarazitako curriculumak.

Euskara

Ikastolako giro euskalduna bermatu dezagun ezinbestekoa dugu ikasleekiko harremanak zein langileen artekoak euskara hutsean ziurtatzea.

Ordezkapen zerrenda hauetan inskribatzeko ezinbestekoa da lanpostu hauetarako ezarrita dagoen hizkuntza eskakizuna bermatzea:

IRAKASLEGOA ETA ADMINISTRAZIOA: C1 hizkuntza eskakizunari dagokion titulazioa; EGA edo baliokidea.

JANTOKI, GARRAIO ETA ETXEZAINA: B2 hizkuntza eskakizunari dagokio ahozko euskara egiaztatu behar da.

GARBIKETA: B1 hizkuntza eskakizunari dagokion ahozko euskara egiaztatu behar da.

Hizkuntza eskakizun hauek Europako erreferentzia markoan ezarritako A1-A2, B1-B2 eta C1-C2 mailekin bat datoz. Informazio gehiagorako eskatu idazkaritzan Ikastolan indarrean den “Hizkuntz Irizpideak” txostena.

Beharrezkoa denean Ikastolako Kontratazio Batzorde Parekideak beharrezko jo ditzakeen elkarrizketa eta frogak deituko ditu aipatutako ahozko maila egiaztatzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide