Joan den otsailaren 6an 15 pertsona hil ziren Espainiako poliziaren esku Ceutako Trajal hondartzan. Azken hamar urteetan 20.000 inguru izan dira Mediterranear itsasoan bizia galdu duten pertsonak. Migratzaileak politika basati eta gizagabeen biktimak dira, neurri krudelek mugatu egiten dituzte mugak salbu mantentzearen aitzakiapean.
Laudion Bizi Gara elkartearen ustetan, era honetako gertaerek bistan uzten dute zein gutxi balio duen bizitzak Hegoa eta Iparra bereizten duten horientzat. Egoera ekonomikoagatik miseria latzean bizi direnak bizirauteko haien herritik alde egitera behartuta daudela salatu dute, eta Europar nazioetako interes ekonomikoen menpe geratzen direla gogoratu dute, duten apurra lapurtzen dietela, eta ordaintzea ezinezkoa zaien zorren biktima bilakatzen dituztela ere aipatuz.
Elkarte honek gogor salatzen ditu mota honetako egoerak: "Ezin dugu onartu gizakionganako horrelako krudelkeria gehiagorik. Ezin dugu onartu zeharkatu ezin diren hesiak eraikitzerik. Emakume, gizon eta herri guztiak errespetatuko dituen mugarik gabeko mundu baten alde, migrazio politika honi ez!"
Guzti honengatik gaur arratsaldeko 20:00etan elkarretaratzea deitu dute "mugarik gabeko mundu baten alde" lelopean.