Arrankudiaga-Zolloko Udalak gogoratu du bi lan-burtsa dauzkala lana herritarren artean banatzeko. Bata eskola eta haurreskola garbitzeko da. Hiru pertsonentzako lau orduko lanaldi erdia suposatzen du horrek.
Bestalde, badago beste lan-burtsa bat. Kaleko garbiketak egiteko da eta beharren arabera deitzen da. Hau da, pertsona bat kontratatzen da udal langileek lan gehiegi izanez gero garbiketaren esparruan.
Zazpi orduko lanaldia da baina bere iraupena ez da finkoa. Aurten, adibidez, lan horretarako bi pertsona bakarrik deitu dituzte.
Nahi duenak bi lan-burtsetan egoteko izena eman dezake. Hiru hilabetero aldatzen dira langileak eta ondorioz lan-burtsan izena emanda daudenak hartzen dituzte lanpostu horiek.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
