San Martin jaiak ospatuko dira Zollon, Azaroaren 11 eta 22 bitartean Ganekogortaren magalean. Asteartean hasiko dira egitarauarekin, San Martin egunean bertan, eta ekintzez betetako asteburua ospatu ondoren, herri bazkariarekin emango zaio bukaera.
Asteartean ekingo diote jaiari. San Martin eguna ospatuko dute eta 12:30etan hasiko diren pilota partiduekin jaiei hasiera emango zaie. Bai Zolloko eta baita Arranudiagako pilotariak ere izango dira protagonistak. Alde batetik, Markel-Jokin eta Peio-Liher ariko dira eta, bestetik, Jabier-Gorka eta Iker-Oier nor baino nor. Etxebarria aita-semek ariko dira giro alaitzen. Arratsaldean, aldiz, 19:30etatik aurrera txarrikie eta etxeko ogiaz gosatzeko aukera izango du hurbiltzen den orok. Gainera, Fi ta Fik musikariak ariko dira.
Asteburua betea etorriko da barikutik domekara luzatuko den egitarauean. Barikuan, 22:30etatik aurrera DJ Bull izango da frontoian. Zapatuan, gazte eta umeen eguna ospatuko da. Horretarako egun osoko egitaraua prestatu dute. Goizeko 12:00etan Enaitz ipuin kontalariaz gozatzeko aukera izango dute txikienek. 15:00ak aldera bazkaria egingo dute (tiketak Arrankudiagako Gizarte-Etxean eta Ugaoko Herriko tabernan salgai). Iluntzean, 19:00ak aldera aiaraldeko Uluka taldeaz gozatzeko aukera izango da, 21:00etatik aurrera Erramun Martikorena kantari baxenafarra izango da eta 23:30etatik aurrera Siroka, Governors eta Tximeleta taldeek gaua berotuko dute. Gau osoan zehar autobusak ibiliko dira Zollo eta Ugao artean. Igandean, 12:30etatik aurrera Nafarroa kanta taldea ariko da.
Azkenik, jaien bukaera Azaroaren 22an izango da Zolloko auzotarrek urtero egiten duten jai amaiera bazkariarekin.