Arrankudiagako udalbatzak aho batez onartu du, Bildu eta EAJren botoekin, Frankismoren aurkako Kereilaren Euskal Plataformak proposatutako mozioa.
Sei puntuz osatutako mozioa da. Onartutako testuan, 1936ko uztailean Franco militarrak antolatutako altxamendu militar-faxista kondenatzen da. Besteak beste, gerora ezarri eta berrogei urtez luzatu zen diktadura erregimena ez-legitimotzat jo dute. Hortaz, kolpe militar haren alde eta gerora bere gobernuaren alde egin zutenen aldekoak salatzen dira. Era berean, erregimen totalitarioak errepresaliatuak izan zirenen eskubide eta eskaeren alde egin dute. Finean, administrazio publikoei egia plazaratzea, justizia aldarrikatzea, erreparazioa eskatzea eta errepika-ezinaren bermea ezartzea eskatu dute.
Bestalde, udalak gaitzetsi egin du atzerritik, Argentinatik bereziki, egiten ari diren ikerketen aurka eramaten ari diren oztopoak eta Espainiar Gobernuaren presioa. Mozioaren azken puntuan, udalak herritar guztiei dei egin die sinatutako kereilaren alde egin dezaten.