Vidralak 468,4 milioi euroko salmentak izan ditu 2014an

Erabiltzailearen aurpegia

Prentsa ohar baten bitartez, beirazko produktuen ekoizpenean aritzen den Laudioko Vidrala enpresak 2014 urteko jarduera eta bilakaera ekonomikoen berri eman du. Guztira 468,4 milioi euroko salmentak lortu ditu. Bere ustiapeneko emaitza -hau da, izan dituen diru sarrerak zergak ordaindu gabe- 69,6 milioi eurokoa izan da. 

Prentsa ohar baten bitartez, beirazko produktuen ekoizpenean aritzen den Laudioko Vidrala enpresak 2014 urteko jarduera eta bilakaera ekonomikoen berri eman du. Guztira 468,4 milioi euroko salmentak lortu ditu. Bere ustiapeneko emaitza -hau da, izan dituen diru sarrerak zergak ordaindu gabe- 69,6 milioi eurokoa izan da. 

Iaz salmentek apur bat behera egin bazuten ere 2013arekiko (%1 gutxiago) enpresaren kutxa fluxu askea, hau da, inbertsioen errentagarritasuna adierazten duen aldagarria, %27,5 hazi da. Vidralako akzioen balioak %6,6ko hazkundea izan zuen iaz.

Azken hilabete hauetan, Britainia Handia eta Irlandan kokaturiko Encirc Ltd. konpainia erosi ostean, Vidralak aurrera begirako aurreikuspen oso positiboak ditu. Britainiar Uharteetan ez ezik Laudioko enpresak baditu lantegiak Portugal, Frantzia eta Belgikan, baita beste bi ere Espainian barrena.

2015erako Vidralak aurreikusten du, krisi ekonomikoak suertaturiko ziurgabetasunaren ostean, beirazko ontzien eskaera egonkortuko dela berriz ere Europan eta horrek onura nabariak ekarriko dizkiola enpresari.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide