Joseba Otaola txirrindulari amurrioarrak denboraldi osoan bila zebilen garaipena erdietsi zuen igandean, Atabarrabiako Indurain anaien txapelketan. Amurrioko kirolariak emaitza onak lortu ditu haren gazte mailako lehen urtean, baina Atarrabian lortutako denboraldiko lehen garaipena da.
Talde-lanaren bidez erdietsitako garaipena
Josebaren taldeak, G.D. Asesores de Navarra taldeak, Josebaren aldeko apustua egin zuen hasieratik, sprintean izango zituen aukeren alde eginez. Hasieratik 8 kideko ihesaldi batek aurrera egin zuen eta taldeak gogor egin behar izan zuen lan hauek harrapatzeko.
Erroko gaina pasa ostean, txirrindulari amurrioarra atzeko talde batean geratu egin zen, lasterketa burutik 15 segundutara baina taldekideen lanaren ondorioz aurrean sartzea lortu zuen berriro ere.
Azken 10 kilometrotan tropela ziztu bizian zihoan helmugarantz eta Asesores de Navarra taldeak ondo aprobetxatu egin zuen, Joseba Otaola garaipenera bultzatuz.
Arabako erlojupeko txapelketan hirugarren
Atarrabikoa ez zen asteburuko lasterketa bakarra izan, larunbatean Asesores de Navarra taldea Murgian izandako Arabako bakarkako erlojupeko txapelketan izan baitzen, Joseba Otaola amurrioarra tartean.
Azken honek erlojupeko bikaina egin zuen eta helmugan hirugarren denborarik onena markatu zuen, garailea izan zen Oier Lazkanorengandik 5 segundutara.