Pasa den irailaren 24an jokatu zen Debabarrenako II. Raida eta bertan Aaron Garmendia laudioarrak garaipena eskuratu zuen Arteako Gaizka Agirrerekin batera. Guztira 91 puntu lortu zituen bikoteak, 6 ordu, 53 minutu eta 20 segunduko denborarekin.
Elgoibarren jokatutako proba Iparraldeko Raid Abentura Ligako proba puntuagarria izan zen eta guztira 42 bikotek hartu zuten parte. Garaileen atzetik Iñigo Lariz eta Jon Irazabal sailkatu ziren 90 puntu eta 6 ordu, 50 minutu eta 42 segunduko denborarekin.
Zer da Raid bat
Raid bat abentura froga bat da, orientazioa eta gutxienez bi kirol froga izango dituen erresistentzia jarduera dibertigarri bat, normalean, trekking-a eta btt-a direnak.
Proba hasieran, partehartzaileei mapak banatzen zaizkie. Mapa hauetan, mugarri ezberdinak daude irudikatuta eta mugarri bakoitzak puntuazio jakin bat dauka. Partehartzaileek ibilbide egokiena aukeratu eta denbora jakin baten barruan ahalik eta mugarri gehienetatik pasatuz ahal den puntu gehien lortzea dute helburu.
Bakoitzak bere erritmora egin ahal duen aktibitatea da, ez baitago puntuazio minimorik eta partehartzaile bakoitzak erabakitzen baitu, bere indarren arabera, zein mugarritik pasa eta zein utzi.
Raid bat, tramotan banatzen da. Tramo bakoitzean kirol aktibitate espezifiko bat egiten da, trekking-a eta mendi bizikleta normalean, baina hauetaz gain, badaude proba bereziak, hala nola, kayak-a, espeleologia, rappel-a, eskalada edo/eta soka trebetasunarekin edo orientazioarekin erlazionatutako bestelako ekintzak.