Erabakitzeko eskubidetik erabakira

Erabiltzailearen aurpegia

Datorren igandean herri galdeketak egingo dira Goierri, Debagoiena, Aramaio, Azpeitia eta Ispasterren. Euskal Estatuari bai ala ez esateko aukera izango dute 150.000 herritarrek.

Datozen bi urteotan burutuko den galdeketa prozesuak erakutsiko du noraino sustraitu den Euskal Herrian erabakitzeko eskubidea oinarrizko eskubide demokratiko gisa. Zentzu horretan, garrantzi handia dute igandekook, erabakitzeko eskubidetik erabakira egiten ari garen jauziaren lehen urratsa direlako eta ondorengoei bidea markatuko dietelako. Horrexegatik, parte hartzea da helburu nagusia.

Baina galdeketekin ezer ez da bukatzen. Hasi egiten da aro berri bat. Erabakiaren aroa. Euskal Estatuaren eraikuntza prozesua zabalduko duen aroa.

Eta, horri begira, ezinbestekoa da agenda politikoan eragin eta prozesua bultzatuko duen subjektu politikoa metatu eta aktibatzea. Abertzaletasunetik askoz harago doana. Demokrazian, justizia sozialean, eskubideetan eta askatasunean oinarritutako etorkizun komun bat partekatzeko prest dauden herritar guztiei zabalik egon beharko duena.

Beraz, galdeketekin batera, eta ondoren, premiazko zeregin estrategikoa dago herriz herri.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide