Gernika, Gernikara!

Erabiltzailearen aurpegia

Otxandio (1936-07-22), Durango (1937-03-31) eta Gernikako (1937-04-26) bonbardaketak Euskal Herriaren aurkako genozidioaren baitan kokatu behar diren gerra krimen izugarriak dira. Bero-beroan, 1937ko maiatza-ekainean margotu zuen Pablo Picassok Gernika koadroa Parisen. Eta, gezurrean eta izuan oinarritutako ondorengo memorizidioaren gainetik, askatasun eta bakearen ikur unibertsal bilakatu da sarraskiaren basakeria hain gordin erakusten duen koadroa. Euskal iruditegi kolektibotik, euskal unibertsotik, mundu osora jauzi egin du Gernikak, margolanak eta hiriak.

Apirilaren 26an bonbardaketaren 80. urteurrena izango da, baina koadroak Madrilen dirau, munduko tokirik desegokienean. Ardura zuzena izan arren, basakeria aitortu eta barkamena eskatzeko gai ez den Estatuaren hiriburuan, Franco eta Molaren oinordekoen eskuetan.

Ziur nago, urtemuga baliatuta, berriro ere historia desitxuratu, egiari iruzur egin eta Gernika euskal iruditegi kolektibotik lapurtuz espainiarrenean kokatzeko ahalegina egingo dutela. Horrexegatik, udaberri honetan ezinbestekoa da jauzi berri bat egitea, oroimen historikoa berreskuratu eta mundu guztiari erakustea Gernika Euskal Herriaren duintasunaren eta askatasunaren ikurra dela, eta margolanaren tokia Gernikan dagoela. Zabal dezagun lau haizetara gure garrasia: Gernika, Gernikara!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide