Aste Santuko turista-oldea mantendu bada ere, atzerritik etorritakoen kopuruak gora egin du

Erabiltzailearen aurpegia
Aste Santuko prozesio baten irudia.

Suitza, Frantzia, Erresuma Batua eta Txiletik etorri dira bisitariak aurten hirira.

Urduñako Turismo Bulegoak positiboan baloratu ditu 2019ko Aste Santuko kanpainan lortutako datuak. Zerbitzura gerturatu diren turisten kopurua mantendu bada ere (453 izan dira, 2018an baino 2 gehiago), azpimarratzekoa da bost jai egunetan kudeatu den kontsulta kopurua. 2018an 226 izan ziren eta aurten 335 erregistratu dira, hau da, %48 gehiago.

Nabarmentzekoa den beste datu bat da atzerriko turisten kopurua, izan ere, beste jatorri batzuek ohiko zifrak mantentzen dituzten arren, atzerritik etorri den pertsona kopurua %4 hazi da. Suitza, Frantzia, Erresuma Batua eta Txiletik etorri dira bisitariak aurten. Bestetik, hirigune historikora eta santutegira egindako bisita gidatuek ia 100 pertsona elkartu dituzte. Batez ere Kataluniatik, Madriletik, Valladolidetik, Suitzatik, Balentziatik eta EAEtik etorritako pertsonek parte hartu zuten -orden horretan-.

Expovacaciones
Bestetik, Urduñak bigarren urtez parte hartu du maiatzaren 10 eta 12 artean BECen izan zen Expovacaciones azokan. Hiria Bizkaiko informazio gunean kokatu zen helmuga turistiko propio moduan, Bilbo, Enkarterri, Getxo edo Urdaibai bezalako guneekin batera. Turismo Bulegoak informazio orokorreko 318 eskuorri eta mapa banatu zituen orotara, ostatu eta ekintzen inguruko euskarrietaz gain. Bertaratutako publikoak mendi ibilaldien, bainuetxearen eta bisita gidatuen inguruko informazioa eskatu zuen batez ere.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide