LED teknologira aldatzeko lanek aurrera darraite

Erabiltzailearen aurpegia
LED sistemara aldatzen ari dira hiriko argiteria. / Urduñako Udala

Harresiko argiteria eta futbol zelaiko fokuak aldatuko dira.

Urduñako Udalak LED teknologia instalatzeko lanen 3. faseari ekingo dio laster. Horren barruan sartzen da harresiko argiteria eta futbol zelaiko fokuak -azken horiek bereziki garrantzitsuak dira horrelako argiek asko kontsumitzen dutelako. Lizitazio horretako prezioa 90.689,50 eurokoa da, hala ere, Urduñako Udalak diru laguntza izango du lan horiek ordaintzeko. %45ekoa izango da gutxi gorabehera.

Aurreko faseetan hirigune historikoko eta Gernika plaza inguruko faroletako argiak aldatu ziren eta dagoeneko hiriak urtero 50.000€ inguru aurrezten ditu LEDa instalatu gabe zegoen urteekin alderatuta. Urduñak aspalditik azpimarratzen eta garatzen ditu energia aurrezteko politikak eta datozen urteetan ere lerro horretatik jarraitzeko asmoa du.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide