SOS Laudioko Lamuza Parkea koreografia lehiaketa egingo du berriro. Oraingo edizioan adostutako oinarrietako batzuk, pasa den urtean jasotako kritiketan oinarria dute.
Hiru kategoria egongo dira, umeena (0-12 urte bitartean), gazteena (13-18 urte bitartean) eta seniorrena (18 urte gorakoak), beraz zero eta ehun urte bitarteko adina duen edonor parte hartu ahal izango du lehiaketan. Hori bai, koreografia talde guztiak gutxienez hiru pertsona eta gehienez sei pertsona izan behar dituzte. Eta horietako talde bakoitzak prestatutako koreografia 3 eta 5 minutu arteko iraupena izan beharko du.
Aurkeztutako dantza, modalitate eta gai musikal bakoitza libreki aukeratu ahalko dituzte taldeek. Bestalde, plataformaren aldetik nabarmendu nahi izan dute, arreta handia jarriko dutela, taldeek aukeratutako abestiak transmititzen duten mezuaren esanahian eta bereziki, abesti horiek izan ahal dituzten eduki sexistan, arrazakeriakoetan edo homofoboetan.
Talde bakoitzak aukeratutako abestia, egindako koreografia osatzeko, lehiaketa egunean bertan aurkeztu beharko dute, soinu formatu arruntean, hau da, WAV eta MP3 formatuan, USB edo CD batean sartuta. Talde bakoitzaren abestia ongi identifikatuta joan behar da, gaia eta talde parte-hartzailearen datuekin.
Bestelakoak
Lehiaketa ospatzeko 10 talde, haien koreografiekin, aurkeztu beharko dira gutxienez eta gehienez, 30 talderen koreografiak baloratuko dituzte.
Lehiaketaren finala, ekainaren 12an izatea aurreikusten dute. Sari gisa emango dute dantza ikuskizun bat ikusteko sarrerak, Euskal Herriko hiriburuetako batean egongo den baten-batentzako. Baina, oraindik ez dakite zein dantza ikuskizuna ikusiko dute saridunak, izan ere, lehiaketa ospatu arte ez dutelako jakingo zenbat pertsona osatuko dute talde irabazlea.
Lehiaketan izen emateko epea maiatzaren 27ra arte egongo da zabalik; formulario bat besterik ez dute bete beharko parte hartu nahi izango dutenek.