Laudioko Jaiak ala Santa Katalinak?

Erabiltzailearen aurpegia

Beste behin ere, gai berdinari helduta 40.000 buelta eman behar leku berean amaitzeko. Laudioko Jaien daten inguruko galdeketaz ari naiz. Laudioko Udalak helburu hori duela adierazi du, behintzat, behin alderdi politiko eta kultur-eragileekin adostu ostean. Baina, ez al dugu laudioarrok nahikoa hitz egin/eztabaidatu horri buruz?

Benetan gai nekeza bilakatu dela. Antza, nahia Jaien hobekuntza da (noski, zer gutxiago!), baina gaur egungo jai-ereduak dituen arazoen errora jotzen ez badugu lan antzua izango da egindakoa. Arazoa ez dago datetan. Bost axola Jaiak abuztuan edo uztailean egiten badira, Jaiez gozatzen dugunak berdin-berdin aterako garela topera. Arazoa beste herritar guztien aktibazioan datza, besteon parte-hartzean. Ala, hobeki esanda, parte-hartze ezean.

Jaiak dataz aldatu nahi ditugu gaur egun herrian 3 egun igarotzen dituztenek 4 egun igaro ahal ditzaten (ala agian hori ere ez, lanean egongo baitira), horrela Herriko Plazako portikoetatik dena ondo-ondo ikusi dezaten. Ondoren, Jaien ajea oraindik ere kendu barik dugula, albokoen lepora salto egin ahal izateko. "Jo, eske, aurten ez duzue erromeriarik jarri plazan!", baliteke, baina egon den aurreko 10 urteetan zehar zu ez zara hurbildu ere egin. Izan ere, herri honetan kexa kirol bilakatu dugu. Kexa merkea, gainera.

Nagusiak nagusi eta gazteak gazte, norberak bere aitzakiekin, Jai parte-hartzaileak izatea izan beharko genuke helburu. Bakoitzak ahal eran: ekintzetan parte-hartuz, kritika sanoa eginez, Jai antolaketaren zati izanez, ... Milaka era daude, pertsonako bat. Beraz, ez gaitezen inozoak izan, Laudioko Jaien hobetzea ez da data-aldaketaren eskutik etorriko Kruzeroaren eta Malagako herrirako bidaiaren artean erosoago izateko, berdin du Laudioko Jai, San Roke, San Pedro edo Santa Katalinak. Jaien arima herrikoitasunean dago; beraz, Jaiak herriarentzat izango badira, herritik izan beharko.

Gora Jai Herrikoiak! Gora Jai Parekideak!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide