aiaraldea.eus

Iñaki, zurekin 31!!

Erabiltzailearen aurpegia Uztai Largatxa   Politika

Laudio Ikastolako ikasleak izandako asko igo gara gaur Motxotekalen dugun bigarren etxera, urtero lez. Kide izandakoak agurtu ditugu, irakasleak egunean jarri ere bai, egungo ikasleak zein diren ikusi dugu eta gure adinaz kexatu gara. Batxilergo bigarren mailakoek, ohitura bihurtu den bezala, ekitaldi berezi bat prestatu dute, irakasleei burla egiteko. Ikuskizun bereziena, baina, irakasleena izan da, Iñaki Olalderi eskaini baitiote. LIBRE kamiseta laranja soinean zutela, kopla sorta bat bota diote ezustean Areto Nagusira iritsi berria zegoen kimikako irakasleari.

Zera da, ba, kontua: 2009ko urtarrilean atxilotu zuten gure FiKi-ko irakaslea. Orduan jakin genuen Teruel benetan existitzen zela, bertan egoteagatik etxean zituen azterketak bere emazteak ekarri zizkigunean. Ordutik, baldintzapeko askatasunean igaro ditu egunak, Madrilgo deia noiz jaso zain. Eta deia heldu da; Baltasar Garzónek abiatutako 4/08 sumarioaren baitan epaitua izaten ari da Iñaki.

Egun berezia izan da gaurkoa, beraz; besarkada eta animoak emateko aprobetxatu duguna.

DBH 4. mailan geundela, Fisika-Kimika klaseko 30 nerabeoi esaten zenigun bezala: "zuek 30 zarete, nirekin 31". Zurekin 31 garelako, Iñaki, LIBRE ETA ETXEAN NAHI ZAITUGU!! KLASEAN NAHI ZAITUGU!!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa