350 lagun inguru batu ziren atzo Laudion Laudio Herria Lasterketaren VII. edizioan. Emakumezkoetan Elena Loyo izan zen azakarrena, Inma Pereiro eta Arrate Mintegiren aurretik. Gizonezkoetan Gotzon Solaegi, Iñaki García eta Jose Felix Bilbao bete zuten podiuma.
Aurten ere giro eta eguraldi ederrarekin jokatu da Laudio Herria VII. Lasterketa. Guztira 350 lagun inguru batu ziren atzo, hilak 26, Euskal Herria Kiorlak eta Berria egunkariak antolatutako kirol-proban, Aldai plazako irteera-puntuan lasterketako 10 kilometroak egiteko asmoz. Handik buelta labur bat eman zioten herriguneari, gero Gardearaino joateko eta Nerbioi ibaiaren ertzetik Aretaraino jaitsiz, atzera ere Lamuza plazako helmugara itzultzeko.
2013ko irabazleek, Elena Loyo zuiarrak eta Gotzon Solaegi zornotzarrak, iazko garaipena berretsi zuten. Solaegi 30 minutu eta 33 segundoko denborarekin helmugaratu zen, Iñaki García Soiza eta Jose Felix Bilbaoren aurretik. Loyok, berriz, 33’42’’-tan bete zuen ibilbidea, eta Inma Pereiro eta Arrate Mintegi izan zituen podiumean lagun. Lasterketaren lehen tartean nahaste txiki bat gertatu zen eta ibilbideari apur bat falta izan zitzaiola 10 kilometro izateko; hori dela eta hobetu dira denborak horrenbeste, iazkoekin konparatuta.
Sailkapenak www.ehkirola.org web gunean ikusi daitezke.