aiaraldea.eus

Konpostaje komunitarioa, ur horniketa eta Lendoñobeitiko dorrea erabakigai

Erabiltzailearen aurpegia Izar Mendiguren Cosgaya   Jendartea
Konpostaje komunitarioa, ur horniketa eta Lendoñobeitiko dorrea erabakigai

Atzo egin zen abenduko udalbatza Urduñako udaletxean. Besteak beste, konpostaje komunitarioa, frontoia alokatzeko aukera, ur horniketak eta Lendoñobeitiko dorrearen mantenua izan zituzten hizpide. Alkatea gaixo zegoenez Itziar Biguri Ugartek hartu zuen presidentetza.

Hala, Gorbeo eta Antzina auzoko ur horniketa hobetzeko proiektuaren lehen fasea onartu zuten. Udaleko webgunean argitaratuko da proiektua.

Atzo egin zen abenduko udalbatza Urduñako udaletxean. Besteak beste, konpostaje komunitarioa, frontoia alokatzeko aukera, ur horniketak eta Lendoñobeitiko dorrearen mantenua izan zituzten hizpide. Alkatea gaixo zegoenez Itziar Biguri Ugartek hartu zuen presidentetza.

Hala, Gorbeo eta Antzina auzoko ur horniketa hobetzeko proiektuaren lehen fasea onartu zen. Udaleko webgunean argitaratuko da proiektua. Frontoiko alokairuari dagokionean, Eriz Perez zinegotziak azaldu zuen lehen pelotazale elkarteko kideek soilik zutela aparteko tarifa. Araudi moldaketaren bidez, erroldatuak eta gainontzekoak izango dira tarifak bereizteko ezaugarriak. Alabaina, moldaketak batzorde informatibotik pasa beharko dira, EAJk udalbatzan egindako ekarpenak aintzat hartzeko.

Auzo konpostajeari dagokionez, urtarrilaren 1etik abenduaren 31ra luzatu zuten udalaren eta hainbat herritarren arteko akordioa. Hain zuzen ere, Trasantiagoko zelaian jarri dute konpostera, eta adierazi zutenez, geroz eta eskaera gheiago ari dira jasotzen berau erabiltzeko. Luzapena EH Bilduren aldeko bozekin onartu zen, EAJk abstentzioa bozkatu baizuen.

Bestalde, Lendoñobeitiko errota dorrearen mantenuak Urduñako udalaren gain jarraituko du. Hala ebatzi zuten udaletxean ordezkaritza duten bi alderdien aldeko bozek.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa