aiaraldea.eus

Emakumeen historia ezagutzeko jardunaldiak antolatu ditu Adratanek

Erabiltzailearen aurpegia Izar Mendiguren Cosgaya   Historia

Urduñako Adratan elkarteak Emakumearen historia lantzeko jardunaldiak prestatu ditu azarorako. Azaroaren 6tik 9ra egingo dituzte, eta formatu ezberdinak izango ditu. Batetik, emakumearen inguruko argazki erakusketa jarriko dute ikusgai Kultur etxean. Bestetik, emakumeen memoria azaleratzeko hitzaldi eta tertuliak egingo dituzte.

Urduñako Adratan elkarteak Emakumearen historia lantzeko jardunaldiak prestatu ditu azarorako. Azaroaren 6tik 9ra egingo dituzte, eta formatu ezberdinak izango ditu. Batetik, emakumearen inguruko argazki erakusketa jarriko dute ikusgai Kultur etxean. Bestetik, emakumeen memoria azaleratzeko hitzaldi eta tertuliak egingo dituzte.

Lehenengoa azaroaren 6an izango da, 19:30ean. Gordexolako Argizka elkarteak "La memoria en femenino" hitzaldia eskainiko du kultur etxean. Hurrengo bi egunetan -azaroaren 7an eta 8an- Urduña eta inguruetako emakumeen testigantzak entzuteko aukera egongo da; garai ezberdinetan bizitako esperientziak kontatuko baituzte 19:30etatik aurrera.

2010ean sortu zen Adratan elkartea, Urduñako memoria historikoa berreskuratu eta kontserbatzeko helburuarekin. Aurkezpena, baina, 2011an egin zuten. Iaz, Urduñan antzina jolasten ziren jokoen zerrenda eta fitxak egin zituzten, Foru plazan berauek ezagutzeko ekintza berezi bat antolatu zutelarik.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa