Hidden Figures

Erabiltzailearen aurpegia
Fitxa teknikoa Jatorrizko izenburua: Hidden Figures Zuzendaria: Theodore Melfi Gidoilaria: Allison Schroeder Aktoreak: Taraji P. Henson, Octavia Spencer, Janelle Monáe... Herrialdea: AEB Iraupena: 127 minutu Ekoizpen-urtea: 2016

        Aste honetan “Hidden Figures” (2016) izeneko pelikula gomendatu nahi dizuet. Lan duina bada ere, ez da zeluloidearen historiara pasatuko den filme horietako bat, ezta hurrik eman ere! Hala eta guztiz ere, badira zenbait zinta derrigorrean gomendatu behar direnak, nire uste apalean behinik behin, eta hauxe horietako bat duzue. Izan ere, ez dira asko gaur egun protagonista hiru emakume dituzten pelikulak, are gutxiago emakumezko horiek beltzak badira, kolore horretako azala izate hutsak izugarrizko desabantaila suposatzen zuen garaian.

       Lan honen erantzulerik nagusiena Theodore Melfi zinemagile amerikarra dugu. Brooklynen munduratu zen zuzendariaren ibilbide profesionala ez da bereziki luzea. Izan ere, gomendatzen ari naizen zinta hau kenduta, beste bat baino ez baitu zuzendua, Bill Murray protagonista zuen “St Vincent” (2014) izeneko komendia estimagarria alegia.

         Lan honetan zerbait badago goraipatzeko modukoa, horixe emakumezko aktoreen jardun borobila da, inolako zalantzarik gabe. Esan bezala, ez dira asko egungo zinean emakumeen rol potenteak eta zinta honetan baten faltan, hiru ditugu. Tankera honetako filmeak erabat beharrezkoak dira horren desorekatua den gizarte batean.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide