Joker

Erabiltzailearen aurpegia
Jatorrizko izenburua: Joker Zuzendaria: Todd Phillips Gidoilaria: Todd Phillips, Scott Silver Aktoreak: Joaquin Phoenix, Robert De Niro, Zazie Beetz… Herrialdea: AEB Iraupena: 121 minutu Ekoizpen-urtea: 2019

       Aste honetan, New Yorken jaio zen Todd Phillipszinemagilearen azken pelikula nahi dizuet gomendatu, zein eta Joker” (2019) izeneko lana. Gomendio hau egitea nahiko arriskutsua da, zeren eta zinta honi aurre egiteko erabat beharrezkoa baita gorputzaldi egokia izatea. Izan ere, guztiz lohi, ilun, ezkor… hitz batean esanda, ikusteko deserosoa den film batez ari baikara. Bestalde, dudarik ez dago, zinta interesgarri, errealista… bikaina ere bada. Nire uste apalean ikusi beharreko lana da. DC Comics argitaletxeak publikatu zuen pertsonaiaren bizitza aitzakia hartuta, zuzendari amerikarrak egungo gizartearen argazki doitua egiten du, gure gustukoa izango ez den argazkia seguruenik.

      Ikaragarrizko metirua dauka pelikula honen moduko produktu batek helduentzat baino ez den lanen artean historiako ikusiena izatea. Ez merezi ez duelako, ezta hurrik eman ere!, dagoeneko aipatu dugun moduan ikusteko batere erraza ez delako baizik.

       Ez nuen espero Todd Phillipsek tankera honetako ekoizpen bat buruitzea. Izan ere, egun arte bere pelikularik entzutetsuena The Hangover” (2009) izan baita, aztertzen ari garen zeluloide puska honekin inolako zerikusirik ez duena.

     Ezin Gomendio hau amaitu Joaquin Phoenixhandiaren karakterizazio bikaina goraipatu barik. Ziur aski lan honi esker sari asko jasoko ditu San Juan de Puerto Ricon munduratu zen sekulako aktore honek, den-denak ondo mereziak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide