1980ko hamarkadan Artziniegako gazte talde batek herriko dozenaka objektu biltzeari ekin zion. Eraldaketa prozesuan murgilduta zegoen bizimodu eta gizarte baten lekuko ziren altxor horiek guztiak, eta “etnografiaren Guggenheim museoa” sortu zuten hauek babesteko. Berrogei urteren ostean, Artziniega Museoak eta Artea Elkarteak bizi-bizirik jarraitzen dute.

Ohiko jarduerekin batera, kultura eta kirol hitzordu bitxiak prestatuko dituzte gardearrek: tenis sakeko txapelketa, formatu txikiko arte eszenikoen jaialdia edota Free Tour Orbeko Etxean.