Baranbio, Okondo eta Amurrio San Anton egunerako prest

Erabiltzailearen aurpegia Lucia Menoyo   Kultura  Aiaraldea  Amurrio  Okondo  Amurrio: Baranbio

Baranbio, Okondo eta Amurrio San Anton egunerako prest

Goizeko 9:00etan kanpai errepikak eta suziriek festa iragarriko dute Armuruko San Anton baselizaren inguruetan Amurrion. 10:00etarako baserritar eta artisau produktu azoka irekita egongo da. Azoka zabala eta askotarikoa izango da; ehun postu inguru jarriko dira aurten. Txosna ere zabalduko da salda eta txakolina dastatzeko. Urtero bezala, San Antonen Lagunak elkarteak antolatu du jaia, Amurrioko Udalaren babesarekin. Antolatzaileek baserritarrez jantzita joateko deia luzatu diete hurbilduko diren guztiei eta batez ere txikienei, giroa politagoa izan dadin.

Munduko 1.223 jaiotzen erakusketa Santxotena museoan

Erabiltzailearen aurpegia Unai Gotxi Kastrexana   Kultura  Artziniega

Munduko 1.223  jaiotzen erakusketa Santxotena museoan

Santxotena museoan ikusgai daude Teresa Lafragua eta Xabier Santxotenak munduko herrialde guztietatik ekarritako jaiotzak. Jaiotza sorta urtero handituz doa: oraingo erakusketan 1.223 aurkeztu dituzte.


Erakusketaren xedea, kulturaren adierazgarri diren jaiotzen bitartez, beste kulturak erakustea da. “Ez dago erlijioarekin zehazki lotuta”, dio Teresa Lafragua arduradunak. Hala, bakoitzaren ikuspuntutik, interpretazio ezberdinak jaso dituzte erakusketan. 
Mundu guztiko txokoetatik ekarrita, hainbat jaiotza k osatzen dute bilduma. 

Aiaraldea Egunkariak urtekariarekin eta irratiko gehigarriarekin hasiko du urtea

Erabiltzailearen aurpegia Izar Mendiguren Cosgaya   Kultura

Aiaraldea Egunkariak urtekariarekin eta irratiko gehigarriarekin hasiko du urtea

Ostegunean argitaratuko da Aiaraldea Egunkariaren 7.alea. Ez, edonolakoa gainera. Izan ere, 24 orri izango ditu. Herriz herri datozen asteburuetan egingo diren jai eta azokak izango ditu protagonista. Batetik, igandean Amurrion ospatuko den San Anton de Armurukoa. Eta, bestetik, Orozkon egingo duten San Sebasti eguna. Amurrion eta Laudion gauzatzen ari diren hezkuntza jardunaldien berri ere bilduko du. Baita Artziniegako azken obrak, Luiaondoko anbulategi berria eta Okondoko elkarteek lokal publikoak erabiltzeko prestatzen ari diren araudia ere, besteak beste.

Aiaraldeko artistak, "Euskararen leihoak" zabaltzeko prest

Erabiltzailearen aurpegia Izar Mendiguren Cosgaya   Kultura

Aiaraldeko artistak, "Euskararen leihoak" zabaltzeko prest

"Euskararen Leihoak" ikuskizuna antolatu du Aiaraldea Komunikazio Leihoak. Abenduaren 30ean izango da, Amurrio Antzokian 19:00etan. Udaberrian argitaratuko da ikuskizuna bilduko duen DVDa.

2010ean “Lili bana mikelentzat” ikuskizuna prestatu zuten. Bertan, eskualdeko artista ezberdinek haien lorea eskaini zioten Mikel Laboari. "Jende mordoa hurbildu zen ekitaldia ikustera Amurrioko antzokira. Ikuskizunaren harrera eta emaitza ezin hobea izan zen", gogoratu dute antolatzaileek. Horren adibide da gerora kaleratu zen “Lili bana mikelentzat” DVDa.

Bertsozalez BECteko da Antzokia larunbatean

Erabiltzailearen aurpegia Irati Marañon Quintana   Kultura  Amurrio

Bertsozalez BECteko da Antzokia larunbatean

Azken urteotan bezalaxe, BECtekada bertso-jaialdia izango da Amurrio Antzokian urtarrilaren lehenengo astearen bueltan. Ekimen honen helburua da Bertsolari Txapelketa Nagusietako finaletan parte hartzen duten bertsolariak gurera ekartzea. Jaialdiaren VIII. edizioa izango da aurtengoa, eta pasa den finalean lehiatu ziren bertsolariak ikusi ahal izango ditugu oholtza gainean: Amets Arzallus txapelduna, Maialen Lujanbio txapeldunordea, Igor Elortza, Aitor Mendiluze, Aitor Sarriegi, Unai Iturriaga, Beñat Gaztelumendi eta Sustrai Colina. Gai-jartzaile, berriz, Naroa Sasieta arituko da.

Eskualdeko Alboka Eguna Urduñan izango da

Erabiltzailearen aurpegia Erredakzioa   Kultura  Aiaraldea

Eskualdeko Alboka Eguna Urduñan izango da

Urduñan izango da Aiaraldeko Alboka Eguna urtarrilaren 4an. Jardunaldia 10:00etan hasiko da Foru Plazan albokari eta panderojoleen eskutik.
Hitzordu horren ostean, ordubete barru zehazki, hamaiketakoaren txanda izango da Gernika Plazan.

Eguerdian Juan Mari Beltran txalapartariak hitzaldia eskainiko du. Beltran ez da soilik musikaria. Hernaniko Txalaparta Eskolako sortzaile eta zuzendaria izateaz gain euskal soinutresnen esparruan ikerlari garrantzitsuenetakoa da. Hainbat proiektutan parte hartu du eta lan ugari argitaratu ditu: diskak, filma...

"Gabonak urteari edo eguzki zikloari ongi etorria emateko dira"

Erabiltzailearen aurpegia Izar Mendiguren Cosgaya   Kultura

"Gabonak urteari edo eguzki zikloari ongi  etorria emateko dira"

FELIX MUGURUTZA (Laudio, 1965) historia ikerlaria da. Gabonen atzean izkutatzen diren ohitura eta istorioak aletu ditu elkarrizketa honetan.

Zer da ospatzen dena Gabonetan?

Maridomingi eta Olentzeroren bisita

Erabiltzailearen aurpegia Erredakzioa   Kultura  Laudio Urtero bezala Olentzero eta Maridomingi Aiaraldean izan dira. Laudiora atzo arratsaldez jaitsi ziren. Txalapartariek, zanpantzarrek, artzainek, txistulariek eta herritar ugarik egin zieten ongietorria.

"Gure asmoa betidanik izan da Ruperto Urquijoren abestiak mantentzea"

Erabiltzailearen aurpegia Aitor Aspuru Saez   Kultura  Laudio

"Gure asmoa betidanik izan da Ruperto Urquijoren abestiak mantentzea"

EUGENIO ARBAIZAGOITIA (Laudio, 1944) Arlote taldearen kidea da. 50 urte bete ditu elkarteak eta larunbatean ekimena egin zuten ospatzeko. Ruperto Urquijoren kantak abestu zituzten, hil diren kideak omendu eta argitaratu berri duten liburua aurkeztu zuten.

Nola sortu zen taldea?

Gure asmoa betidanik izan da Ruperto Urquijoren abestiak mantentzea. Gu baino lehen existitu zen talde baten eredua izan genuen horretarako. Berez, Arlote izena lapurtu genion 50. hamarkadan egondako talde horri.

Xabier Santxotena artistak liburua aurkeztu du bere artelanen argazkiekin

Erabiltzailearen aurpegia Unai Gotxi Kastrexana   Kultura  Artziniega

Xabier Santxotena artistak liburua aurkeztu du bere artelanen argazkiekin

Xabier Santxotena artista euskaldunak "El universo Santxotena" liburua aurkeztu du Artziniegako tailer-museoan. Liburuan, bere bibliografia azaltzen du eta 1970tik 2013ra bitartean egindako ibilbide artistikoa deskribatzen du 190 orrialdetan.

Modu berean, Santxotenaren artelanen 364 argazki biltzen ditu eta artelan hauek biltzen dituzten hiru museoen historia azaltzen du: Gorrienea etxe-museoarena, Arizkungo parke-museoarena eta Artziniegako tailer-museoarena. Liburuak artearen munduko hizkera korapilatsutik ihes egiten du, irakurlearekin gertutasuna landuz.

"Lanak ironiaz eta umorez kritika egiten dio erlijio katolikoak emakumeari eman dion eginkizun historikoari"

Erabiltzailearen aurpegia Aitor Aspuru Saez   Kultura  Aiaraldea

"Lanak ironiaz eta umorez kritika egiten dio erlijio katolikoak emakumeari eman dion eginkizun historikoari"

PABLO IBARLUZEA (Laudio, 1980) antzezlea ez ezik zuzendaria ere bada. ZUBI proiektuaren bitartez eta Eneritz Artetxerekin "Konpota" lana aurkeztu du Durangon eta Euskal Herriko hainbat lekutatik igaroko den birari hasiera eman dio.

 

 

Zuzendari lanetan Durangoko Azokan ibili zara, zer nolako sentzazioak dituzu?

Hamaika ekintza antolatu dira Euskararen Nazioarteko Eguna ospatzeko

Erabiltzailearen aurpegia Irati Marañon Quintana   Kultura  Aiaraldea

Hamaika ekintza antolatu dira Euskararen Nazioarteko Eguna ospatzeko

Abenduaren 3an Euskararen Nazioarteko Eguna da, eta horren harira ekitaldi ugari antolatu dituzte Eskualdeko herrietan. Adin guztietako jendeari zuzendutako ekintzak egongo dira. Dena den, jarduerak ez dira soilik abenduaren 3an bertan izango.

Aimara Antzerki Taldeak umorea eta drama elkartuko du bere azken antzezlanean

Erabiltzailearen aurpegia Unai Gotxi Kastrexana   Kultura  Aiara  Amurrio  Aiara: Erretes Lanteno

Aimara Antzerki Taldeak umorea eta drama elkartuko du bere azken antzezlanean

Aimara antzerki taldeak oihala altxatuko du Lantenoko eskoletan “Yo soy la revolución” jendaurrean lehen aldiz antzeztuz bihar 20:00etan. Nahiz eta abenduaren 14an Amurrion estreinatu, larunbat honetan Lantenon alfonbra gorria zabalduko dute aurre estreinaldiarekin.

ERREPORTAJEA Gabriel Aresti: "Lau dio eta bat da"

Erabiltzailearen aurpegia Izar Mendiguren Cosgaya   Kultura  Aiaraldea

ERREPORTAJEA Gabriel Aresti: "Lau dio eta bat da"

Handia da Gabriel Aresti (Bilbo, 1933-1975) poeta ezagunak Aiaraldearekin izandako harremana. Horren adibide da beraren hainbat idazkitan eskualdeko herriak eta bizimodua deskribatzea. Arestiren jaiotzaren 80. urtemuga dela-eta, Laudioko udalak “Gabriel Arestiren omenezko egunak” antolatu ditu Laudion. Gabriel Aresti 1933an jaio zen Bilbon. 12 urte eskas zituela hasi zen euskara ikasten, bere kasa. Diotenez, sarri joaten zen Begoñara bertako fraileekin euskaraz eta euskararen inguruan hitz egitera.

Musikaren Astea egingo dute Urduñan, zazpigarrenez

Erabiltzailearen aurpegia Eunate Molinuevo Olabarria   Kultura  Urduña

Musikaren Astea egingo dute Urduñan, zazpigarrenez

Musikaren zazpigarren astea antolatu dute Liborio musikarien kolektiboak eta Urduñako udalak. Azaroaren 15etik 24ra bitarte askotariko musika doinuak entzun ahal izango dira Urduñako hainbat txokotan. Azaroaren 15ean, umeen egunean, txikienek musika gertutik senti dezaten Santa Zezilia Bandak kontzertu didaktikoa eskainiko du. Santa Maria elizan izango da, 20:00etan, eta neska-mutilek aktiboki parte hartuko dute, bandarekin batera abestuz, Horrez gain, “Gulliver Liliputen” ipuin musikala entzun ahal izango da.


Kontzertuak eta poteo musikala