Hil honen 15ean Mintzodromoa Laudion

Euskara bultzatzeko hitzordua izango dugu Laudion abenduaren 15ean Mintzodromoari esker. Euskal Herriko hainbat herritan egin eta gero, aste honetan Laudiok bere txanda izango du ekintza hau praktikan jartzeko. Mintzodromoaren helburua solaskide desberdinekin hainbat gairi buruz euskaraz hitz egitea da. Beraz, euskaldunei zuzendua dago baina baita euskara ikasten ari direnei ere.

Dinamikari dagokionez, honako hiru gai hauek planteatuko dira:

-   Gabonak nola bizi

-   Teknologia berriak

-   Euskaraz bizitzeko aukerak

Euskara bultzatzeko hitzordua izango dugu Laudion abenduaren 15ean Mintzodromoari esker. Euskal Herriko hainbat herritan egin eta gero, aste honetan Laudiok bere txanda izango du ekintza hau praktikan jartzeko. Mintzodromoaren helburua solaskide desberdinekin hainbat gairi buruz euskaraz hitz egitea da. Beraz, euskaldunei zuzendua dago baina baita euskara ikasten ari direnei ere.

Dinamikari dagokionez, honako hiru gai hauek planteatuko dira:

-   Gabonak nola bizi

-   Teknologia berriak

-   Euskaraz bizitzeko aukerak

Gai bakoitzarentzat 15 minutu izango dira eta gai baten eta bestearen artean, parte hartzaileak mahaiz mugituko dira mintzakidez ere aldatuz. Parte hartzea erabat irekia izango da baina aldez aurretik izena ematea eskertzen da Laudioko Euskara Arloak azpiegitura ondo prestatu ahal izateko (Tf: 944 034 890 / euskara@laudiokoudala.net edo euskaltegietan).

Animatzen bazara… Mintzodromoaren hitzordua agendan apuntatu! Abenduak 15, arratsaldeko 18:30ean Udaletxeko Pleno aretoan.

Bestalde, ekintza hau bukatzen denean, 20.00ak aldera, Bai Euskarari Ziurtagirien banaketa egingo da. Euskararen normalizazioaren bidean konpromisoa hartzen duten hainbat enpresa, elkarte, merkatari, ostalari eta zerbitzu sarituz Laudion 16 ziurtagiri banatu dira jada. Aurten Grafik Sarea, Enean ileapaindegia, Osaketa, Iza Okindegia, Algitech eta Autocares Sobron izango dira sarituak.

Informazio gehiagorako: www.blogari.net/laudioibarra

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide