aiaraldea.eus

Euskararen kale erabilerak gora egin du azken 10 urte hauetan

Erabiltzailearen aurpegia Gartzen Garaio Atxurra   Euskara  Laudio
Euskararen kale erabilerak gora egin du azken 10 urte hauetan

Laudioko Udalak jakinarazi duenez,Soziolinguistika Klusterra elkarteak egin du euskararen kale erabileraren gaineko ikerketa eta Euskal Herriko Kaleetako Hizkuntza-Erabileraren VI. Neurketa programa osoaren barnean kokatu da. 

Ikerketaren emaitzek adierazten dute euskararen kale-erabilera hazi egin dela hamar urte hauetan, 2001ean  % 3,69ekoa zen eta aurtengoa % 7,5 eta %8 bitartekoa. 2001an erabilitako metodologia berdina erabili du Soziolinguistika klusterra aurten ere. 

Laudioko Udalak jakinarazi duenez,Soziolinguistika Klusterra elkarteak egin du euskararen kale erabileraren gaineko ikerketa eta Euskal Herriko Kaleetako Hizkuntza-Erabileraren VI. Neurketa programa osoaren barnean kokatu da. 

Ikerketaren emaitzek adierazten dute euskararen kale-erabilera hazi egin dela hamar urte hauetan, 2001ean  % 3,69ekoa zen eta aurtengoa % 7,5 eta %8 bitartekoa. 2001an erabilitako metodologia berdina erabili du Soziolinguistika klusterra aurten ere. 

Urrian egindako ikerketaren lagina handia izan da; 981 elkarrizketa ikertu dira, 2.408 pertsonen hizkuntza erabilpena aztertuz. 2001 urtean lagin hori handiagoa izan zen,  1.546 elkarrizketa sailkatu eta baloratu baitziren.

Oraindik ere datu hauek behin betikoak ez direla jakinarazi du Laudioko Udaleko Euskara Arloak, nahiz eta Soziolinguistika Klusterrak adierazi duen erabileraren azken datua gertuago egongo dela % 8tik % 7,5etik baino. 2012 urtearen hasieran, datu hauek, kopuru, balorazio eta diagramak bilduko dituen dokumentu bat aurkeztuko du Klusterrak, eta horiek guztiak Euskal Herri osoko datuak bilduko dituen dokumentu zabalago batean txertatuko dira. Horretaz gainera, lortutako datuen balorazio kuantitatibo-kualitatiboa egingo da eta horren zabalkundea egiteko berariazko saioak antolatuko dira.

Ikusi argazki guztiak handiago

Erantzunak

Erabiltzailearen aurpegia Aretar bat Erantzuna | #1

Aupa zuek, eta aupa gure eskualdean euskararen hedakuntzan lanean ari zareten guztiak. Zuek ere Aiaraldea.com, lan bikaina egiten ari zarete eta, besteak beste, zuei eskertu behar dizuegu lorpen hau.

Erabiltzailearen aurpegia Beste aretar bat Erantzuna | #2

Erabiltzailearen aurpegia aktibista bat Erantzuna | #3

Pozgarria da oso kale erabilerak gora egin izana, baina nire ustez, ez dugu horrekin konformatu behar. Euskarak planifikazioa behar du identifikatu behar ditugu zeintzuk diren gabeziak eta heldu behar dugu orain arte heldu ez garen sektoreetara: merkatari, enpresa, kultur kirol eragile, .... Horiei ere, dena pertsonengan laga barik haien euskara plangintza eskatu behar diegu, urrats txikiak eman ditzaten normalkuntzaren bidean. Udalei euskararen ordenanatzak bete ditzaten eskatu behar diegu eta kultur, kirol eta abarreko taldeek ere beste hainbeste egin behar dute.
Konpromezu pertsonaletik abiatuta konpromezu kolektibo batzuk esijitu behar ditugu, batzuek hartu dituzte era bateko edo besteko BAI EUSKARARI ziurtagiria eskuratuz.
Kontseiluaren EUSKARAZ BIZI NAHI DUT leloa gure egin behar dugu euskaraz bizi nahi dugunok. Euskararekiko atxikimendu afektiboaren sasoia joan da, bere sasoian izan zuen zentzua, baina egun ez da nahikoa "EUSKALTZALE" izatearekin gure hizkuntzak une honetan euskaldun hiztunak behar ditu. Esandakoa pozgarria da baina etsigarria ere asko dugulako oraindik egiteko eta kontzientzia asko astintzeke daudelako.

Erabiltzailearen aurpegia Anonimo Erantzuna | #4

ehun lagun iladan jarri eta zortzi banatu, hori da euskarak egunerokoan (ez tituluen karpetan) duena...lan askooooo dago egiteko! autokonplazentziarako tarte gutxi...

Erabiltzailearen aurpegia Begioker Erantzuna | #5

Hamar urtean hiztun kopuruak % 4 besterik ez du egin gora. Pentsa, % 100era iristeko 230 urte inguru beharko ditugu!!! Zerbait ez gara ondo egiten ari!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa