aiaraldea.eus

Udala kolore urdinaz jantzi da koronabirusari eusteko lanean ari diren profesionalei omenaldia egiteko

Erabiltzailearen aurpegia Laudioko Udala   Politika  Laudio

20:00etatik aurrera, azken astean herriko balkoietatik egiten ari diren txaloekin batera, fatxada argiztatzen duten led argiak piztuko dira

Udala kolore urdinaz jantzi da koronabirusari eusteko lanean ari diren profesionalei omenaldia egiteko
Argi urdinak jarri dira Udalean. / Laudioko Udala | Ikusi handiago | Argazki originala

Alarma-egoeraren eta haren konfinamendu-neurrien lehen astearen ondoren, garrantzitsua da denbora honetan guztian COVID-19 koronabirusari eusteko gogor lanean aritu diren profesionalak baloratzea eta kontuan hartzea. Talde horren barruan osasun arloko langileak daude, baina Udaltzaingoa eta Suhiltzaileak ere atzetik dituzte, beste sektore askoren artean.

Hala ere, milaka langile joaten dira egunero beren lanpostuetara supermerkatuak janariz hornitzeko, farmaziak, garbiketako langileak, garraio publikoa, kamioilariak … Laudioko Udalak, pertsona horiek guztiak egiten ari diren ahalegin pertsonal eta profesionalaren jakitun, bere eraikineko argiak piztea erabaki du, guztiak omentzeko.

Hori dela eta, gaur gaueko 20:00etatik aurrera, auzotarrek azken egunetan egiten duten txalo-keinu sinbolikoarekin bat etorriz, udaletxearen fatxada inguratzen duten led argiak piztuko dira.

Ander Añibarro Laudioko alkateak adierazi duenez, "kolore urdina izango da udal fatxadako protagonista datozen asteetan, inork ahaztu ez dezan erantzukizunez eta komunitate-zentzuz jokatu behar dugula; izan ere, bizilagunoi etxean geratu eta irten gabe geratzea besterik eskatzen ez zaigun bitartean, profesional askok beren lanpostuetara joan behar dute guztiak zaintzera, behar izanez gero”.

Omenaldi hunkigarria
Atzo arratsalde-gau partean, udaltzainen auto karabana batek, suhiltzaileak eta Ertzaintzak Laudion ibili ziren ordu erdiz, zortzietatik aurrera, egun hauetan jasotzen ari diren babesa herriari eskertzeko asmoz.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa