aiaraldea.eus

Laudiok Tokiko Gobernu Batzarraren asteko bilkurak bertan behera utzi ditu

Erabiltzailearen aurpegia Laudioko Udala   Politika  Laudio

COVID-19ren aurrerapenaren aurrean eusteko neurri eraginkorrak hartu beharraren ondorioz.

Laudiok Tokiko Gobernu Batzarraren asteko bilkurak bertan behera utzi ditu
Laudioko Udaletxearen irudi bat. / Laudioko Udala | Ikusi handiago | Argazki originala

2020ko martxoaren 11n, Osasunaren Mundu Erakundeak nazioarteko pandemia bihurtu zuen COVID-19k eragindako osasun publikoko larrialdi-egoera. Gertaeren bilakaeran azkartasuna izateko, berehalako neurri eraginkorrak hartu behar dira egoera horri aurre egiteko. Esparru horretan, martxoaren 14ko 463/2020 Errege Dekretua ematen da, osasun-krisiaren egoera kudeatzeko alarma-egoera deklaratzen duena. Dekretu horren 6. artikuluan adierazten denez, administrazio bakoitzari dagokio alarma-egoeraren ondorioetarako beharrezkoak diren neurriak hartzea, betiere indarrean dagoen legeriak ematen dizkion eskumenak erabiliz.

Larrialdi-neurri horien artean, ezinbestekoa da ebazpen zehatzak hartzea, ahal den neurrian, pertsonen arteko kontaktuaren ondoriozko kutsatzeak prebenitzeko. Aldi berean, udal kudeaketa arin eta eraginkorra bermatu behar da, herritarren beharrak asetzen dituzten berehalako ebazpenak hartu ahal izateko.

Salbuespenez, COVID-19ren aurrerapenaren aurrean euste-neurri eraginkorrak hartu behar direnez, tokiko gobernu-batzarraren asteroko bilerak aldi baterako etetea erabaki da.

Etete horrek asteko eguna eta ordua finkatzeari buruzko atalari baino ez dio eragiten, eta indarrean jarraituko dute bertan jasotako gainerako xedapenek, eta horixe izango da euste-lan horretarako behar-beharrezkoa den denbora-tartea. Behin epe hori amaituta, beste alkatetza-dekretu bat emango da, kide anitzeko organo horren bilkurei berriro ekiteko, aldizkakotasun, egun, ordu eta leku berean.

Alkatetzaren dekretu bidezko ebazpenak
Era berean, Tokiko Gobernu Batzarraren erabaki bidez hartu beharreko ebazpen guztiak alkate-udalburuaren dekretu bidez gauzatuko dira, baldin eta, tokiko legerian xedatutakoaren arabera, dagokion eskumena bada. Inola ere ezin izango da ebazpenik hartu alkate-udalburuaren dekretu bidez Udalbatzaren Osoko Bilkuraren eskumeneko gaietan, nahiz eta eskumen horiek tokiko gobernu-batzarraren esku utzi.

Arrazoi hori dela eta emandako dekretu guztiak, lehenengo puntu gisa, kasuan kasuko gaian eskumena bereganatzea erantsiko da, dekretu honetan oinarritutako arrazoiekin. Era berean, eta kudeaketari buruzko informazioari eta gardentasunari dagokienez, hartutako ebazpenaren berariazko jakinarazpena egingo zaie Tokiko Gobernu Batzordeko kide guztiei eta Udal Talde Politikoetako bozeramaileei.

Erabaki horren berri eman zaie zerbitzuburu guztiei, tokiko gobernu-batzarreko kide diren zinegotziei eta udal-talde politikoetako bozeramaileei, eta Udalbatzari ere eman zaio horren berri.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa