Kofradiaren jarduerak dinamizatzeko zenbait talde osatu dituzte

Erabiltzailearen aurpegia Izar Mendiguren Cosgaya

Kofradiaren jarduerak dinamizatzeko zenbait talde osatu dituzte

Laudioko jaietako Kofradiaren Eguneko bazkarian emakumeak onartu eta gero, urtean zeharreko jarduerak hobetu asmoz, hiru talde osatu ditu San Roke Kofradiak. Egiturako aldaketaren berri, kofradiak argitaratzen duen aldizkarian eman dute. Azaldu dutenaren arabera, aurreneko lan-taldeak estatutuak eta barne arauak egoera berrira egokitzea izango du xede. Bigarrenak, besteak beste, kofradeen ondarea, onura kulturala, segurtasuna eta lokalen erabilera aztertuko ditu.

Otsoaren Hatsa laburmetraia grabatu dute herritar batzuk Goikoganeko lubakietan

Erabiltzailearen aurpegia Izar Mendiguren Cosgaya

Otsoaren Hatsa laburmetraia grabatu dute herritar batzuk Goikoganeko lubakietan

Laudioar batzuk "Otsoaren Hatsa" izena eramango duen film laburra grabatu dute. Horietako bat da Juan Anjel Lekanda. Azaldu duenez, memoria historikoa berreskuratzeko, ekarpen txiki bat egin asmoz burutu dute lana. Euskal Herriko gudariak faxisten sarrera oztopatu zuteneko saiakera azalzen du istorioak. Grabaketa lanak Goikogane mendian eraiki ziren lubakietako batean egin dituzte. Hamabi herritarren aktore lanak egin du posible egitasmoa.

Laudioko kiroldegiak aurreko urteetako abonuen prezioak mantenduko ditu

Erabiltzailearen aurpegia Arkaitz Calavia  Laudio

Laudioko kiroldegiak aurreko urteetako abonuen prezioak mantenduko ditu

Aurten, Laudioko kiroldegiko bazkideek ez dute iaz baino gehiago ordaindu beharko, urteko kuota bere horretan utzi baitute, 2009 eta 2010. urteetako diru-kantitateari eutsiz. Urte edo denboraldi osorako bonuak 68,40 euro baliko ditu, baina urteko une zehatz batean edo apirilan, ekainan, zein azaroan apuntatu nahi direnek, hori egiteko aukera izango dute, polikiroldegiko paperetan zehaztuta dagoen diru-kopuru proportzional bat ordainduz. Betidanik gertatu den bezala, herri honetan ez erroldatuek, kanpotarrek, diru-kantitate osagarria ordaindu beharko dute.

Gimnasia erritmikoko erakustaldia gaur La Granja kiroldegian

Erabiltzailearen aurpegia Jon Apodaka Saratxo  Amurrio  Laudio

Gimnasia erritmikoko erakustaldia gaur La Granja kiroldegian

Amurrioko Aresketa gimnasia erritmikoko taldeak eskainitako erakustaldia izango da gaur, urtarrilak 8, arratsaldeko  18etan, Laudioko La Granja kiroldegian.

Gernikako akordioaren aurkezpena Laudion

Erabiltzailearen aurpegia Koldo Zabala Atxa  Laudio

Gernikako akordioaren aurkezpena Laudion

Aste honetan Laudioko mintzagela aretoan "Bake bidean aterabide demokratikoen akordioa" aurkeztu dute. Gernikan, irailaren 25ean, Euskal Herriko hainbat eragile politiko, sindikal eta sozialek sinatu zuten akordio hau, konpromiso batzuk hartuz eta eskaerak eginez, ETA zein Espainia eta Frantziako gobernuei indarkeriarik gabeko bake egoera eta normalizazio politikora iristeko.

Laudioko nesken taldeak ligako txapelketa berrartzen du gabonetako geldiunearen ondoren

Erabiltzailearen aurpegia Arkaitz Calavia  Laudio

Laudioko nesken taldeak ligako txapelketa berrartzen du gabonetako geldiunearen ondoren

Laudioko nesken taldearen gabonetako oporrak amaitzear daude. Bihar, Olaranbeko futbol zelaian jokatuko duten Aurreraren aurkako partiduan emango diote amaiera gutxi gorabehera 20 egunetako liga txapelketaren geldialdiari. Opor hauek, liga sailkapenaren erdiko aldetik ateratzeko indarrak eta gogoeta egiteko denbora eman dielakoan gaude.

Herritarrengan birziklatzeko ohitura errotzeko gida aurkeztu du Udalak

Erabiltzailearen aurpegia Txabi Alvarado Bañares  Laudio

Herritarrengan birziklatzeko ohitura errotzeko gida aurkeztu du Udalak

Laudioko Udalak zabor edukiontzien erabilera egokia sustatzeko gida praktiko bat banatu du herriko etxeetan. Gida honen helburua zabor-edukiontzi bakoitzean zein motatako materialak bota daitezkeen zehaztea da. Plastikoetatik piletara, elementu bakoitza non utzi behar den azaltzen du.

Lankaietako Lagunak, 35 urte txistu doinuak zabaltzen

Erabiltzailearen aurpegia Koldo Zabala Atxa  Laudio

Lankaietako Lagunak, 35 urte txistu doinuak zabaltzen

Egun hauetan Laudioko Lankaietako Lagunak txistulari taldeak 35 urte bete ditu. Izan ere, 1976ko urtarrilean zenbait musikarik Gotzon Palacios txistulariaren zuzendaritzapean taldea sortzea erabaki zuten. Hala ere, txistulari hauek lehenago hasiak ziren gure herriko kale eta bazterretan txistu doinuak zabaltzen.  1973an, musika bandaren menpean, Javi Latorreren zuzendaritzapean musika akademia sortu zen.

Laudioko Udalak kiroldegiaren prezioak izoztu ditu

Erabiltzailearen aurpegia Ane Ortega Diez  Laudio

Laudioko Udalak kiroldegiaren prezioak izoztu ditu

Aurten, Laudioko kiroldegiaren erabiltzaileek 2009 eta 2010 urteetan izan dituzten prezio berdinak ordainduko dituzte. Urteko bonuak 68,40 euro balioko ditu. Hala ere, prezioak murriztu egiten dira adin eta kiroldegia erabiliko den denboraren arabera. Instalazioak irekita egongo dira astelehenetik ostiralera goizeko bederatzietatik gaueko hamarretara; larunbatetan, berriz, goizeko bederatzietatik arratsaldeko zortzi eta erdietara, eta goizeko bederatzietatik arratsaldeko ordubietara, aldiz, igandeetan.

Gimnastika erritmikoaren erakustaldia

2011/01/08 17:00

La Granja Kiroldegia Laudio

Amurrioko Aresketa Club-aren eskutik, erakustaldia.

Kontzertua: Gramones eta Snob

2011/01/05 20:00

Sorgin taberna Laudio

Kultura Live entitateak eta Eusko Jaurlaritzak antolatua

Aretako eskolarako sarbide berriari irristagarritasunaren aurkako tratamendu bat aplikatuko zaio

Erabiltzailearen aurpegia Txabi Alvarado Bañares  Laudio  Laudio: Areta

Aretako eskolarako sarbide berriari irristagarritasunaren aurkako tratamendu bat aplikatuko zaio

Aretako eskolarako eraikitako sarbide berriak irristagarritasunaren aurkako tratamendu bat jasoko duela adierazi du Laudioko Udalak. Izan ere, urte honetan zehar eraiki den ibilbide berriaren baldosak irristagarriak dira, eta hori arriskutsua bilakatu daiteke eurite edota izozte kasuak egonez gero. Horregatik, aldapa berria oinezkoei itxita egongo da, harik eta irristagarritasunaren arazoa konpondu arte.

Gernikako adierazpenari atxikimendu ekitaldia

2011/01/04 19:00

Udaleko ekitaldi aretoa Laudio

 

"Askatasunaren eta bake bidearen alde luzaro borrokan diharduen nazioa da Euskal Herria. Herri zein pertsona libre gisa gure etorkizuna eraikitzeko lan handia egin izan da baina gatazka politikoa gainditzeko arazoak izan dira . Horrek eragina izan du emakume zein gizonetan eta era berean herri eta auzoetan ere. Egoera aldatzeko lan indarrak batu eta norabide bakar baten denak bat eginez, Euskal Herriaren eskubide demokratikoak aitortuko dituen eskenatokia erdiestu behar dugu eta hala, gure herriak bizi duen gatazka politiko eta armatuari konponbide demokratikoa eman ahal izateko.  Bat egin "Bake bidean aterabide demokratikoen akordioa"-rekin eta atxikitu zaite"

Etxebarria baserriko paretetako margolanak nola babestu aztertzen ari da Udala

Erabiltzailearen aurpegia Izar Mendiguren Cosgaya

Etxebarria baserriko paretetako margolanak nola babestu aztertzen ari da Udala

Etxebarria baserria ahalik eta kalitate onenarekin kontserbatzeko eraikina aztertzen ari da Laudioko Udala, Arabako Aldundiarekin batera. Izan ere, baserriaren fatxadan XVI. mendeko margolanak ageri dira. Adituen arabera, gehiegizko hotzak, beroak eta hezetasunak irudien ezabatzea ekarri lezake. Hori dela eta, Oihana Gomara ezker abertzaleko zinegotziak kezka agertu zuen aurreko asteko udalbatzan. Jon Karla Menoio alkateak adierazi zuenez, une honetan Arco Atlántico konstruktorearena da baserria.

Ibone Sanchez / Oihala Zabaltzen: "Merezi duena baino garrantzi gutxiago ematen zaio antzerkigintzari"

Erabiltzailearen aurpegia Izar Mendiguren Cosgaya

Ibone Sanchez / Oihala Zabaltzen: "Merezi duena baino garrantzi gutxiago ematen zaio antzerkigintzari"

Atzo, Oihala Zabaltzen antzerki talde laudioarrak Phenomenum obra antzeztu zuen Udal Lanbide Heziketa Eskolan. Oholtza gainean, aktore gisa aritu zen Ibone Sanchez (Laudio, 1989).

Phenomenum obra aurkeztu zenuten atzo. Obrak espero haina arrakasta izan al zuen?

Goikogane mendi taldea urte berrirako irteeren egutegia osatzen buru-belarri lanean dabil

Erabiltzailearen aurpegia Arkaitz Calavia  Laudio

Goikogane mendi taldea urte berrirako irteeren egutegia osatzen buru-belarri lanean dabil

Lanean dihardute Goikogane M.Taren barrenean hasi berri den urterako mendi-irteeren egutegia osatzen. Dagoeneko ia-ia antolatuta eta erabakita dituzte ibilaldi guztiak, eta horrekin batera, horien data, norakoa eta iraupena. Egutegiak, urtero bezala, hilabete bakoitzeko bi irteera izango ditu, batez beste; maiatzean eta uztailan, ordea, kopuru hori bikoizten da. Irteerek Hego Euskal Herria zeharkatuko dute, baina Iparraldea ere bisitatuko da.

"Oihala Zabaltzen" antzerki taldeak "Phenomenum" obra berria estreinatuko du

Erabiltzailearen aurpegia Gartzen Garaio Atxurra  Laudio

"Oihala Zabaltzen" antzerki taldeak "Phenomenum" obra berria estreinatuko du

“Oihala Zabaltzen”  Laudioko antzerki talde amateurrak, urtero bezala Gabon data hauetan, obra berria estreinatuko du datorren urtarrilaren 2an, taldearen 50. obra izango dena, hain zuzen ere.

Oholtza gaineko jardunean 20+2 urte daraman taldeak “Phenomenum” obra taularatuko du urte berria hastearekin batera, John Turtetaub-en 1996ko filmaren egokitzapena. Aitor Urkijo taldearen zuzendariaren hitzetan “ukitu dramatikoak dituen maitasun istorio bat da obra. George Malley-k bizitzeko grina pizten digu, bizitza topera gozatzeko grina, hain zuzen ere”.

ONCEren zozketak 9 miloi euroko saria utzi du Galiziar Etxean

Erabiltzailearen aurpegia Izar Mendiguren Cosgaya

ONCEren zozketak 9 miloi euroko saria utzi du Galiziar Etxean

ONCE elkarteak astero egiten duen zozketak 9 milioi euro banatu ditu Laudion. Hedabideek jakinarazi dutenez, saritutako zenbakiaren saltzailea, hots, Ignacio Gonzalez,  izan da zortekoa. Dena dela, zorte onak eta txarrak harrapatu du: iragan asteko zozketari zegozkion zenbakiak zirela usteta, ostiralean zenbakiak zakarrontzira bota zituen. Galiziar Etxean saldu dute zenbakia.

200 lagunek egin dute topa euskal preso politikoak etxeratzea eskatuz

Erabiltzailearen aurpegia Izar Mendiguren Cosgaya

200 lagunek egin dute topa euskal preso politikoak etxeratzea eskatuz

Etxeratek egindako deialdiari jarraiki 200 lagun bildu ziren atzo Laudioko enparantzan amnistia eta askatasuna eskatzeko. Hilabeteko azken ostiralero egiten duten bezala, elkarretaratzea egin zuten.

Argazki galeria: albokak 2.1 lanaren aurkezpen kontzertua

Erabiltzailearen aurpegia goretti  Laudio

Argazki galeria: albokak 2.1 lanaren aurkezpen kontzertua

  Atzo, abenduak 30, albokak 2.1 diska liburuaren aurkezpen kontzertua izan zen Laudioko kultur etxean Ibon Koteron, Xabier Valle eta Ruben Isasiren eskutik.

Bizkaiko Foru Aldundiaren Kultura Sailak eta Leonen Orroak kultur elkarteak lagunduta, albokaren zabalkundea oinarri duen proiektua sustatzea du helburu .

Nabarmenak

Ikusi gehiago »»