Arbaitzako jaiak

2010/05/15 09:30

Arbaitza Orozko

MAIETZAK 1, ZAPATUA

11:30 kalejirea trikitixakaz.

12:00 Mezea San Isidroren ohorez.

13:00 Jantzak Aiara Dantza Taldearen eskutik.

13:30 Artxo baten zozketea.

22:00 Erromeria Arizgoiti taldeagaz San Isidro ermitearen ondoan.

MAIETZAK 16, DOMEKEA

11:30 kalejirea trikitixakaz

12:15 Mezea Orozkoko Abesbatzagaz.

13:00 Orozkoko Abesbatzaren kontzertua.

Astegoien osoan zehar txosnea zabalduko da eta etxeko bokatak eta pintxoak emongo dira.

"Irlandatik Euskal Herrira" Ibon Koteronen kontzertua

2010/05/14 18:30

Donibane Aretoa Orozko

Ibon Koteronegaz batera, Niamh Ní Charra-k eta Gavin Ralston-ek Euskal Herrian zehar jirea egiten dabiz. Bertan, euskal  eta irlandar instrumentuak alkarregaz joten ikusi ahal izango doguz.

Maiatzak 14:   OROZKOn Donibane Aretoan arratsaldeko 20:30etan

Orozkoko Arbaitza auzoko jaiak prest astebururako

Erabiltzailearen aurpegia Gartzen Garaio Atxurra  Orozko

Orozkoko Arbaitza auzoko jaiak prest astebururako

Festa giroa iritsi da Aiaraldera, San Jose, Arespalditza, Artomaña eta oraindik indarrean dauden Otxomaioen segidan datoz Arbaitza auzoko San Isidro jaiak, zapatua eta domekan ospatuko direnak hain zuzen ere.

"Mongol Rally" delakoaren argazki erakusketa

2010/05/12 22:00

Orozko Museoa Orozko

Gaurtik eta hilaren 30a bitartean Mongoliari buruzko argazki erakusketa izango da Orozkoko Museoan. Erakusketa ostegun, ostiral eta larunbatetan ikusi ahal izango da goizeko 10etatik 14etara eta arratsaldez, 17tik 19etara. 

Udalekuetan eta erretratu ikastaroan apuntetako epea zabalik dago

Erabiltzailearen aurpegia Begoñe Olabarria Astobiza  Orozko

Udalekuetan eta erretratu ikastaroan apuntetako epea zabalik dago

Gaur zabaldu da aurtengo udalekuetan apuntetako epea. Gaur ezeze, 14an,17an, 19an,21ean, 24an,26an,28an eta 31n egin ahal izango da matrikulea Induma bulegoan arresteiko seiretarik zortzietara.20 euro balio dau matrikuleak eta Zaloa Rotaetxe zinegotziak esan dauskunez: "ahalik eta jente gehien apuntetako prezio bajua imini gura izan da".

Udalekuok uztailaren 1etik 15era bitartean egingo dira goxeko 11:00etarik 14:00etara eta 5 eta 12 urte bitartekoentzat izango dira.

Ermitarik Ermita ibilaldia

Erabiltzailearen aurpegia Begoñe Olabarria Astobiza  Orozko

Ermitarik Ermita ibilaldia

Urtero legez, aurten bere Ermitarik Ermita ibilaldia antolatu dau Itxinape Mendiko Taldeak. Goxeko zazpiretan urtein daurie mendizaleak herriko plazati eta lehenengo Muruetako San Pedro ermitara joan dira . Handik, Santa Marinara eta Katadio auzoko Santiagoti pasatuta, Arbaitzaldera joan dira San Isidro ermitara. Erdiguneko alde batetik bestera pasau dira gero, izan bere, San Migeleti, Ibarra aldera jo daurie. Han, San Roke, San Lorentzo, San Pedro, San Bartolome, San Martin eta, atzenean, Goikiriko Andra Mari ekosi dauriez.

Artiach enpresako beharginek mobilizazinoak iragarri dauriez

Erabiltzailearen aurpegia Gartzen Garaio Atxurra  Orozko

Artiach enpresako beharginek mobilizazinoak iragarri dauriez

Orozkoko Artiach enpresako ELA, LAB eta ESK sindikatuek behin-behineko beharginen egoera dela-eta daukaten ardura azaldu dute. Sindikatu horiek enpresari zein UGT sindikatuari behin-behineko beharginen prekarietatea sustatzea leporatu diete. Atzo kaleratutako ohar baten bidez, sindikatuok gogor kritikatu dute enpresaren jokaera, Artiachek “urte asko daramatzalako aldi baterako langileei enpresarekiko konpromiso eta esfortzu pertsonal bat eskatzen”.

Pisuen prezioen kontrako kontzentrazinoa

Erabiltzailearen aurpegia Begoñe Olabarria Astobiza  Orozko

Pisuen prezioen kontrako kontzentrazinoa

Lehengo domekan, aprilak 18, Orozkoko plazan kontzentrazinoa egin aurien bertako herritarrak udal etxebizitzen prezioa dala-eta. "Etxebizitzak Orozkorako moduko prezioan" izan zan lemea eta, lemak berak dinoan legez, atzenengo urteetan pisuen prezioan egon dan igoerea salatu aurien pisuen zain dagozanak, horreen gurasoak, senideak eta lagunak, bertako herritarrak, inguruko herrietako ezagunak...jende askok egin auen bat kontzentrazinoa antolatu aurien gazteakaz.

AN EDUCATION filmea Orozkon

2010/04/18 17:00

Donibane Aretoa Orozko

225 urte bete dira Orozko Bizkaia danetik

Erabiltzailearen aurpegia Begoñe Olabarria Astobiza  Aiaraldea  Orozko  Aiaraldea: Bizkaia

225 urte bete dira Orozko Bizkaia danetik

Apirilaren 2an 225 urte beteko dira Orozkoko Udala Bizkaiko Jaurerrian sartu zanetik; ospakizun hau dala eta, urte osorako kultur ekitaldiak antolatu dira. Ekitaldi honeek guztiok logotipo bat eukiko daurie, berein-berein ekitaldiotarako diseinaturikoak.
 
1785eko apirilaren 2an, Orozko Haraneko ordezkariak Gernikako Batzar Nagusietara joan ziran Bizkaiko Jaurerrian onartuak izateko; izan bere, haraneko bizilagunak, 1784ko uztailaren 31n Larrazabalen egineko batzarrean, Bizkaian sartuteko baldintzak onartu auriezan.
 

Orozkoko udalak bizkaian sartu zenetik 225. urteurrena ospatuko du

2010/04/01 22:00

herrian Orozko

Apirilaren 2an 225 urte beteko dira Orozkoko Udala Bizkaiko Jaurerrian behin betiko sartu zenetik; ospakizun hori dela eta, kultur jarduerak antolatu ditu urte osoan zehar garatzeko. Ekitaldi horiek guztiek logotipo bera izango dute, beren-beregi ekimen horietarako diseinatua.

 
1785eko apirilaren 2an, Orozko Haraneko ordezkariak Gernikako Batzar Nagusietara joan ziren Bizkaiko Jaurerrian onartuak izateko; izan ere, haraneko bizilagunek, 1784ko uztailaren 31n Larrazabalen egindako batzarrean, Bizkaian sartzeko baldintzak onartu zituzten.
 
Bizkaiko Jaurerriaren eta Orozko Haranaren arteko hitzarmenak, Juan José González Sánchez bexilologoak jasotako datuen arabera, honako kapitulu hauek zituen:
 
* Lehenengo kapitulazioaren arabera, Jaurerrian zeuden karga guztiei lotuta geratzen zen Orozko Harana, gainerako hiribilduak eta elizateak bezalaxe. 
 
* Bigarren kapituluaren arabera, haraneko etxebizitzen zentsua egingo zen.  
 
* Hirugarren kapituluaren arabera, Orozkok Batzar Nagusietan parte har zezakeen, hitz egiteko eta botoa emateko eskubidea izanik.
 
* Laugarren kapituluak ezartzen zuen Orozko Harana jaurerriaren gobernuaren menpean geratzen zela, “sin alterarle el particular político y económico que hasta aquí había tenido y tiene, ni la jurisdicción que en primera instancia competía a su alcance ordinario entre sus vecinos y moradores en los casos y cosas que había lugar por fuero y derecho; bien entendido que si el Sr. Corregidor del Señorío se hallase en dicho Valle, tendría la jurisdicción a prevención con el expresado alcalde ordinario, según y como se practicaba en las villas“.
 
Bosgarren kapituluan argitzen zen gorte-auzitegiko kasuak korrejidorearen ardurapean zeudela, horien berri lehenengo auzialdian izateko, ohiko alkatea zuten Bizkaiko udalerrietan egiten zen bezala. Halaber, ohiko alkatearen auzitegian hasiera zuten auzi guztien apelazio maila ezagutzea korrejidoreari baino ez zegokion, eta lehenengo auzialdian ere, beraiek beste ezagutu ezin zituzten auzietan, korrejidoreari eta diputatu nagusiei foruak ezarritako moduan eta kasuetan ezagutzea zegokien.
 
* Amaitzeko, azken kapituluan argitzen zen Jaurerrian sartzeko zailtasunen baten ondorioz gastuak egonez gero, orozko haranaren kontura geratuko liratekeela. (E. J. de Labayru, 1898: Tomo VI, p. 482-483)
 
“Cadizko Gorteek  1811n ezarri zutena hogeita hamar urte lehenago egin zuen gure haranak bere eskubideen aldeko borrokan. Orain, 225. urteurrena dela eta, aurrerapauso hura nabarmendu nahi dugu, gure historian garrantzi handikoa izan delako” adierazi du Juan Antonio Olagenaga Orozkoko alkateak.
 

Nabarmenak

Ikusi gehiago »»