Aurrekontu parte hartzaileen prozesua baliozkoa ez dela salatu du OMNIAk

Erabiltzailearen aurpegia Erredakzioa   Politika  Laudio

Aurrekontu parte hartzaileen prozesua baliozkoa ez dela salatu du OMNIAk

Laudioko Udalak abian jarri duen aurrekontu parte hartzaileen prozesua ez da baliozkoa OMNIArentzat. Hori adierazi zuten alderdiko kideek iragan ostiralean eginiko prentsaurrekoan.

Udalak galdetegi bat osatu du, zeinen bidez herritarrek udal-aurrekontua zer eremutan erabili nahiko luketen adierazi dezaketen. OMNIAko bozeramailea den Alvaro Barriosek adierazi du arazoa ez dela inkesta, “inkesta entregatzeko jarri diren bideak baizik”.

EH Bilduk salatu du EAJk hirigintza zerbitzua murriztu duela HAPOari aurre egin behar zaion unean

Erabiltzailearen aurpegia Erredakzioa   Politika  Aiara

EH Bilduk salatu du EAJk hirigintza zerbitzua murriztu duela HAPOari aurre egin behar zaion unean

Aiarako EH Bilduk prentsa-oharra zabaldu du salatzeko EAJk hirigintza zerbitzua murriztu duela. Bi langile gutxiago izango ditu atal horrek eta EH Bilduk oso larritzat jo du egoera, udala hiri-antolamenduko plan orokorra -HAPO- egiten ari da-eta.

Koalizioak nabarmendu du jeltzaleek euren kabuz hartu dutela erabakia eta ez dutela txosten teknikorik aurkeztu neurria justifikatzeko.

Laudion egingo dute Ernai eta Aitzina erakundeek aurtengo Gazte Danbada

Erabiltzailearen aurpegia Aimar Gutierrez   Politika  Laudio

Laudion egingo dute Ernai eta Aitzina erakundeek aurtengo Gazte Danbada

[video:https://vimeo.com/151808878]

Laudion ospatuko da martxoaren 25etik 28ra Gazte Danbada; Aitzina eta Ernai gazte erakundeek antolatutako topagunea.

Lau egunetan eduki politikoa eta aisialdia uztartuko dituen ekimenaz gozatzeko aukera izango dute Laudion bilduko diren Euskal Herri osoko milaka gaztek. Tailer, hitzaldi eta eztabaida oparoez gain, musika eskaintza zabala ere iragarri dute. Egitarau osoa otsailaren 18an aurreratuko dute.

Martxoan Laudion egingo den Gazte Danbada aurkeztu dute

Erabiltzailearen aurpegia Erredakzioa   Politika  Laudio Gazte Danbada ekimena aurkeztu dute Ernai eta Aitzina gazte antolakundeko kideek Laudioko Plazan, herrian egingo baita topagune hori, martxoaren 25etik 28ra.

Omniak Antzokia Udal Lanbide Heziketako Ikastetxeko aparkalekuan eraikitzea proposatu du

Erabiltzailearen aurpegia Erredakzioa   Politika  Laudio

Omniak Antzokia Udal Lanbide Heziketako Ikastetxeko aparkalekuan eraikitzea proposatu du

Omniak oharra zabaldu du Laudioko Antzokiaren proiektuaren inguruan. Alderdiaren ustez Udal Lanbide Heziketako Ikastetxearen aurrean dagoen aparkalekuan eraiki behar du udalak kultura azpiegitura hori.

Antzokiaren beheko solairuan Gaztelekua, erretiratuen egoitza edo liburutegia kokatzeko aukera dagoela uste dute Omnian. Hori ez ezik, hizkuntza eskola edo kontserbatorioa ere bertan egiteko urratsak eman behar dituztela azaldu du alderdiak, horretarako beste eraikuntza batzuk sortuaz.

Gizarte Larrialdietarako Laguntzetarako bitarteko gehiago eskatu dizkio EH Bilduk Eusko Jaurlaritzari

Erabiltzailearen aurpegia Erredakzioa   Politika  Amurrio

Gizarte Larrialdietarako Laguntzetarako bitarteko gehiago eskatu dizkio EH Bilduk Eusko Jaurlaritzari

EH Bildu Amurriok Eusko Jaurlaritzari Gizarte Larrialdietarako Laguntzen aurrekontu-saila handitu dezan eskatu dio.

Amurrioko udalak 35.300 euro jarri behar izan ditu aurtengo Gizarte Larrialdietarako Laguntzen eskaerei aurre egiteko. Diru-laguntza horiek udalek kudeatzen dituzte baina Eusko Jaurlaritzaren eskumena dira.

Emilio Olabarria Enplegu eta Giza Politiken Sailburuaren aholkulari izendatu dute

Erabiltzailearen aurpegia Erredakzioa   Politika  Aiara  Aiara: Luiaondo

Emilio Olabarria Enplegu eta Giza Politiken Sailburuaren aholkulari izendatu dute

Emilio Olabarria luiaondoarrak ez du politika guztiz utzi, Eusko Jaurlaritzak hautatu baitu Enplegu eta Giza Politiken Sailburuarentzako aholkularitza lanak egin ditzan.

Jeltzaleak 20 urte eman ditu Madrilgo Kongresuan eta azkenengo hauteskundetan ez du hautagai zerrendatan parte hartu. Urrian hitz egin zuen azkenengo aldiz Kongresuan eta parlamentariak agurtu zituen.

Botere Judizialaren Kontseilu Nagusiko kidea ere izan da eta Deustuko Unibertsitateko irakaslea da. Gainera, EAEko administrazioko funtzionarioa da.

 

Udal lokalen inguruko bi mozio eztabaidatuko dituzte udalbatzan

Erabiltzailearen aurpegia Erredakzioa   Politika  Laudio

Udal lokalen inguruko bi mozio eztabaidatuko dituzte udalbatzan

Gaur 18:00etan egingo duten udal osoko bilkuran birritan eztabaidatuko dute udal lokalen inguruan. Alde batetik PSE-EEk mozioa aurkeztu du lokal horiei buruzko araua bultzatzeko; lagatzeko eta erabiltzeko, hain zuzen.

Bestalde, EAJk proposatutako du lokalen diagnostikoa egitea eta konponketa plana ere prestatzea.

Horrez gain, Omnia, PP, EAJ eta PSE-EE alderdiek mozioa adostu dute autokarabanetarako aparkalekua eraikitzeko.

Udal gardentasunerako web-ataria ireki dute

Erabiltzailearen aurpegia Erredakzioa   Politika  Amurrio

Udal gardentasunerako web-ataria ireki dute

Amurrioko Udalak gardentasunerako web-ataria abiatu du, 19/2013 legea beteta. Tokiko erakundearen jardueraren eta antolakuntzaren inguruko informazioa eskaintzen du web-orrialdeak eta 6 atalek osatzen dute: udala, informazio ekonomiko finantzarioa eta ondarezkoa, kontratazio, hitzarmen eta diru-laguntzak, udal plangintza, udal araudia eta herritarrei zuzendutako zerbitzuak.

Atal bakoitzak hainbat dokumentu jasotzen du.

EAJk nagusitasunari eutsi dio, eta ezustekoa eman du Podemosek, bigarren indarra izan baita 400 boto eskasera

Erabiltzailearen aurpegia Erredakzioa   Politika  Aiaraldea

EAJk nagusitasunari eutsi dio, eta ezustekoa eman du Podemosek, bigarren indarra izan baita 400 boto eskasera

Espainiako hauteskunde orokorrek, beste euskal lurraldeetan bezala, emaitza deigarriak utzi dituzte Aiaraldean. EAJk hegemonia mantendu badu ere (6898 boto, %29.58), jeltzaleek -gainerako alderdiek bezala- bozak galdu dituzte (758 boto), eta Podemos alderdiak irabazi. Eskualdeko 9 udalerrietatik 8tan indar bozkatuena izan da alderdi jeltzalea (Amurrion, Artziniegan, Urduñan, Orozkon, Aiaran, Okondon, Arakaldon eta Arrankudiaga-Zollon hain zuzen ere).

Euskal Preso Politikoen aldeko kontzertua egin zuten Gizarte-Etxean

Erabiltzailearen aurpegia Erredakzioa   Politika  Arrankudiaga-Zollo

Arrankudiaga-Zolloko Gizarte-Etxean Euskal Preso Politikoen aldeko kontzertua antolatu zuten pasa den asteburuan. Matarrasa eta Habemus Papam taldeek jo zuten eta lortutako dirua Etxerat elkarteari emango diote.

Argazkiak: Txomin Egiluz

EH Bilduk aldarrikatu du berea dela haustura demokratikorako boto erabilgarri bakarra

Erabiltzailearen aurpegia Erredakzioa   Politika  Aiaraldea

EH Bilduk aldarrikatu du berea dela haustura demokratikorako boto erabilgarri bakarra

EH Bilduk hedabideentzako gosaria egin du gaur Laudion. Iker Urbina eta Lorena Lopez de Lacalle Kongresurako eta Senaturako zerrendaburuek hartu dute parte bertan. Laudioko alkateak babesa eskaini die hautagaiei.

Juantxo Lopez Uraldek eskatu zuen Podemos/Ahal Dugu-ren aldeko boza igandean

Erabiltzailearen aurpegia Erredakzioa   Politika  Amurrio

Igandean egin zuen Podemos/Ahal Dugu-k bere hauteskunde ekitaldia Amurrion. Goizean solasaldia antolatu zuten Juantxo Lopez Uralde hautagai arabarraren eskutik -Greenpeace GKE-ko presidente ohia eta Equo alderdiko sortzailea, alegia-. Gero bizikletaz zeharkatu zuten herria. Bukatzeko, hamaiketakoa eta informazioa eskaini zuten herrigunean.

Argazkiak: Podemos/Ahal Dugu Amurrio

Orain Amurriok salatu du abenduan ez dutela udal osoko bilkurarik egingo

Erabiltzailearen aurpegia Erredakzioa   Politika  Amurrio

Orain Amurriok salatu du abenduan ez dutela udal osoko bilkurarik egingo

Orain Amurrio udal-taldeak prentsa-oharra zabaldu du salatzeko abenduan ez dela udalbatzarik egingo. Azaroan horrela erabaki zuten udal osoko bilkuran EAJ, PSE-EE eta PP taldeen aldeko bozekin. Orain Amurriok, Amurrio Guk Baik eta EH Bilduk, ordea, kontrako botoa eman zuten. Abenduko udal osoko bilkura ez ezik abuztukoa ere ez da egingo.

Orain Amurrioren ustez erabaki horrek udalaren kudeaketa motelduko du eta taldeen adierazpen gaitasuna murriztu.