Emilio Olabarria Enplegu eta Giza Politiken Sailburuaren aholkulari izendatu dute
2015-12-30 08:59
Politika
Aiara
Aiara: Luiaondo
Emilio Olabarria luiaondoarrak ez du politika guztiz utzi, Eusko Jaurlaritzak hautatu baitu Enplegu eta Giza Politiken Sailburuarentzako aholkularitza lanak egin ditzan.
Jeltzaleak 20 urte eman ditu Madrilgo Kongresuan eta azkenengo hauteskundetan ez du hautagai zerrendatan parte hartu. Urrian hitz egin zuen azkenengo aldiz Kongresuan eta parlamentariak agurtu zituen.
Botere Judizialaren Kontseilu Nagusiko kidea ere izan da eta Deustuko Unibertsitateko irakaslea da. Gainera, EAEko administrazioko funtzionarioa da.
Udal lokalen inguruko bi mozio eztabaidatuko dituzte udalbatzan
2015-12-28 09:56
Politika
Laudio
Gaur 18:00etan egingo duten udal osoko bilkuran birritan eztabaidatuko dute udal lokalen inguruan. Alde batetik PSE-EEk mozioa aurkeztu du lokal horiei buruzko araua bultzatzeko; lagatzeko eta erabiltzeko, hain zuzen.
Bestalde, EAJk proposatutako du lokalen diagnostikoa egitea eta konponketa plana ere prestatzea.
Horrez gain, Omnia, PP, EAJ eta PSE-EE alderdiek mozioa adostu dute autokarabanetarako aparkalekua eraikitzeko.
Udal gardentasunerako web-ataria ireki dute
2015-12-25 11:19
Politika
Amurrio
Amurrioko Udalak gardentasunerako web-ataria abiatu du, 19/2013 legea beteta. Tokiko erakundearen jardueraren eta antolakuntzaren inguruko informazioa eskaintzen du web-orrialdeak eta 6 atalek osatzen dute: udala, informazio ekonomiko finantzarioa eta ondarezkoa, kontratazio, hitzarmen eta diru-laguntzak, udal plangintza, udal araudia eta herritarrei zuzendutako zerbitzuak.
Atal bakoitzak hainbat dokumentu jasotzen du.
EAJk nagusitasunari eutsi dio, eta ezustekoa eman du Podemosek, bigarren indarra izan baita 400 boto eskasera
2015-12-20 23:10
Politika
Aiaraldea
Espainiako hauteskunde orokorrek, beste euskal lurraldeetan bezala, emaitza deigarriak utzi dituzte Aiaraldean. EAJk hegemonia mantendu badu ere (6898 boto, %29.58), jeltzaleek -gainerako alderdiek bezala- bozak galdu dituzte (758 boto), eta Podemos alderdiak irabazi. Eskualdeko 9 udalerrietatik 8tan indar bozkatuena izan da alderdi jeltzalea (Amurrion, Artziniegan, Urduñan, Orozkon, Aiaran, Okondon, Arakaldon eta Arrankudiaga-Zollon hain zuzen ere).
Euskal Preso Politikoen aldeko kontzertua egin zuten Gizarte-Etxean
2015-12-18 16:41
Politika
Arrankudiaga-Zollo
Arrankudiaga-Zolloko Gizarte-Etxean Euskal Preso Politikoen aldeko kontzertua antolatu zuten pasa den asteburuan. Matarrasa eta Habemus Papam taldeek jo zuten eta lortutako dirua Etxerat elkarteari emango diote.
Argazkiak: Txomin Egiluz
EH Bilduk aldarrikatu du berea dela haustura demokratikorako boto erabilgarri bakarra
2015-12-16 11:57
Politika
Aiaraldea
EH Bilduk hedabideentzako gosaria egin du gaur Laudion. Iker Urbina eta Lorena Lopez de Lacalle Kongresurako eta Senaturako zerrendaburuek hartu dute parte bertan. Laudioko alkateak babesa eskaini die hautagaiei.
Juantxo Lopez Uraldek eskatu zuen Podemos/Ahal Dugu-ren aldeko boza igandean
2015-12-16 14:04
Politika
Amurrio
Igandean egin zuen Podemos/Ahal Dugu-k bere hauteskunde ekitaldia Amurrion. Goizean solasaldia antolatu zuten Juantxo Lopez Uralde hautagai arabarraren eskutik -Greenpeace GKE-ko presidente ohia eta Equo alderdiko sortzailea, alegia-. Gero bizikletaz zeharkatu zuten herria. Bukatzeko, hamaiketakoa eta informazioa eskaini zuten herrigunean.
Argazkiak: Podemos/Ahal Dugu Amurrio
Orain Amurriok salatu du abenduan ez dutela udal osoko bilkurarik egingo
2015-12-15 10:20
Politika
Amurrio
Orain Amurrio udal-taldeak prentsa-oharra zabaldu du salatzeko abenduan ez dela udalbatzarik egingo. Azaroan horrela erabaki zuten udal osoko bilkuran EAJ, PSE-EE eta PP taldeen aldeko bozekin. Orain Amurriok, Amurrio Guk Baik eta EH Bilduk, ordea, kontrako botoa eman zuten. Abenduko udal osoko bilkura ez ezik abuztukoa ere ez da egingo.
Orain Amurrioren ustez erabaki horrek udalaren kudeaketa motelduko du eta taldeen adierazpen gaitasuna murriztu.
"Erregimen zentralista eta menperatzaile honekin apurtu behar dugu"
2015-12-15 13:52
Politika
Aiaraldea
PABLO GOROSTIAGA (Areta, 1941) aurkeztu du EH Bilduk Kongresurako zerrendan. Martxoaren 22an atera zen kartzelatik Egin egunkariaren auzia dela eta 8 urtez espetxean egon ostean. Orain, nagusia bada ere, politikaren lehen lerroan jarraitzen du.
Nola erabaki duzue zerrendetan aurkeztea?
Ohore handia izan da. Jendeak proposatu baitu herri batzarretan ni aurkeztea Kongresurako zerrendan.
EH Bilduk eskualdeko hauteskunde ekitaldia egin zuen Laudion ostiralean Hasier Arraizekin
2015-12-14 10:01
Politika
Laudio
Hasier Arraiz EH Bilduko legebiltzarkidea eta Iker Urbina Kongresurako hautagaia Laudiora hurbildu ziren ostiralean EH Bilduk antolatutako eskualdeko ekitaldian parte hartzeko. Asier Arraizek koalizioaren aldeko boza emateko garrantzia azpimarratu zuen; bere ustez boza soberanista bakarra baita. Gainera, Iker Urbinak nabarmendu zuen estatuko alderdiek ez dutela defendatzen Arabako interesak.
Pablo Gorostiagak ere hitz egin zuen ekitaldian. Bukatzeko, ekitaldian bertaratutako hainbat pertsonarekin egin zuten argazkia EH Bilduko hautagai eta ordezkariek.
EH Bilduk kontratazio epeak betetzea eskatu dio gobernu taldeari
2015-12-13 10:00
Politika
Amurrio
EH Bildu Amurriok eskatu dio gobernu taldeari kontratazio eta esleipenetarako markatutako epeak betetzeko. Koalizioak azaldu duenez, Gobernu taldeak sistematikoki ez ditu epeak betetzen, ez ditu esleipenak denboraz ateratzen eta horrek ilegalitatetik hurbil dauden irtenbideak bilatzera eramaten ditu.
Euskal Preso Politikoen aldeko elkartasun gaua antolatu dute Arrankudiagako Gizarte-Etxean
2015-12-11 07:32
Politika
Arrankudiaga-Zollo
Euskal Preso Politikoei elkartasuna adierazteko gaua antolatu du, biharko, abenduaren 12an, Arrankudaiaga-Zolloko presoen aldeko herri mugimenduak. Bertan ateratako etekinak Etxerat elkarteari bideratuko zaizkio, antolatzaileen arabera.
"Elkartasuna ez da delitua, beharrezkoa baizik" lelopean Matarrasa, Fetitxe eta Habemus Papam musika taldeak arituko dira oholtza gainean. Gainera, azken horrek "Hortzak erakutsi" diska berriaren aurkezpena egingo du.
EAJk hauteskunde ekitaldia egin zuen atzo
2015-12-09 11:40
Politika
Laudio
EAJko hainbat ordezkari politiko elkartu ziren boza eskatzeko eta euren asmoak azaltzeko atzo, Laudioko Aldai Plazan. Andoni Ortuzar Eusko Buru Batzarreko lehendakaria ez ezik Almudena Otaola eta Mikel Legarda -Senatu eta Kongresurako hautagaiak Araban, hurrenez hurren- ere aritu ziren.
Argazkiak: EAJ
Aiaraldearren % 34,17ak baino ez zuen Espainiar Konstituzioaren alde bozkatu
2015-12-06 15:47
Politika
Aiaraldea
Gaur 37 urte betetzen dira Espainiar Konstituzioa onartzeko erreferenduma ospatu zenetik. Espainiako alderdi politiko eta sindikatu nagusiek (UCD, PSOE, Alianza Popular, PCE, CCOO, UGT...) baiezko bozaren aldeko kanpaina egin zuten, eta emaitzak gehiengo horren isla izan ziren: Baiezkoak 15.706.078 boza jaso zituen (boto guztien % 88,54) eta ezezkoak 1.400.505 (% 7,89). Bozkatzera deituak zeuden pertsonen % 32,89ak, berriz, abstenitzea erabaki zuen.
Agenda
2020/03/05 17:30
Ikasle autodefentsaren sareen inguruan hausnartzen
Laudioko Kultura Etxea | Aiaraldea
Nabarmenak
Hau da muturra daukatena EAJ ko hauek. Legala? Noski. Baina legeaz baliatzea bere kideak, PNVKo karneta izateagatik, kontratuak egokitzea, mafiaren...
»» Montai enpresarekin sinatutako kontratuak "erabat ...