Bi gizonezko atxilotu zituen atzo Laudioko Ertzaintzak, Aiarako hezkuntza zentro batean lapurtzen saiatzea egotzita. Poliziek eskola barruan topatu zituzten bi pertsonak, kobrezko hodi bat erauzten. Ihes egiten saiatu ziren, baina harrapatu egin zituzten. Zizalla eta marraza bana topatu zituzten euren autoan.
Herritar batek eman zuen abisua
Emakumezko batek eman zuen abisua. Ikastetxe albotik paseatzen zegoen, eraikinaren barrutik zetozen zarata batzuk entzun zituenean. Eskola oporrengatik itxita zegoenez, lapurrak izan zitezkeela pentsatu zuen herritarrak, eta orduan deitu zien poliziei.
Atxilotuek 35 eta 36 urte dituzte. Aurrekari polizialak dituzte biek. Ertzaintza aztertzen ari da ea bi pertsona horiek lapurreta gehiagotan parte hartu duten. Izan ere, honakoa ez da hezkuntza zentro horretan jazo den lehen kobre lapurreta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
