Bazkidetu

Aiaraldea Ekintzen Faktoriak 500 bazkide lortzeko kanpaina abiatu berri du. Eskualdean euskarazko komunikabideak indartzeko, 750 metro karratuko egoitza eraikitzeko, Aiaraldea euskararen lurraldea bihurtzeko, elikadura burujabetza sustatzeko, ekonomia sozial eraldatzailea indartzeko, lurralde feminista eta parekidea gorpuzteko, hezkuntza eredu eraldatzaileak garatzeko, herrigintzaren askitasuna eta askatasuna bermatzeko, eta kulturari zein sorkuntzari ate berriak irekitzeko. 

Zure laguntza eta ekarpena behar dugu proiektu eder honek aurrera egiten jarraitzeko, egin zaitez bazkide.

 

Nor izateko, amesteko,
gure buruaren jabe izateko,
Aiaraldea eraldatzeko,
euskalduntzeko,
500 BAZKIDE BEHAR DITUGU

 

Zer da Aiaraldea Ekintzen Faktoria

Aiaraldea Komunikazio Leihoaren marka eta proiektu berritua da Aiaraldea Ekintzen Faktoria. Komunikazioaren eta euskararen esparruan zortzi urtetako ibilbidea egin eta gero, proiektuak helburu eta ildo berriak lantzeko erabakia hartu du; euskaratik eta euskaraz, balio eraldatzaileen arabera egituratuko diren alternatibak bizitzako esparru guztietan sortzeko eta garatzeko erabakia hain zuzen ere.

Euskarari eta euskaldunoi komunitate proiektu integral bat eskaintzeko sortu da Aiaraldea Ekintzen Faktoria proiektua; komunikazioaz gainera, hezkuntza eta aisialdia, feminismoa, ekonomia, elikadura, kultur sorkuntza, berrikuntza sozialak, eta identitate komunitarioa izango dira Faktoriaren ildo sozial berriak, eta hauetan Aiaraldea Komunikabidearen tamainako proiektu berriak sustatuko ditu aurrerantzean.

Bizitzeko Faktoria bat izango gara, euskaraz, elkarrekin eta balio eraldatzaileen arabera Aiaraldea biziberritzeko Faktoria.

ZERGATIK EGIN KOOPERATIBAKO BAZKIDE?

Aiaraldea Kooperatiba Elkartea, irabazi asmorik gabeko gizarte ekimeneko Kooperatiba da, ia 300 bazkide erabiltzailek eta langileek kudeatzen duten eskualdeko entitate soziala.

Bazkideak dira Kooperatibaren eta honek kudeatzen dituen proiektuen gaineko erabakiak hartzen dituztenak, bazkide bat, boto bat printzipioa jarraituta. 
Proiektua ere, bazkide hauen ekarpen ekonomikoari esker finantzatzen da , oinarri sozial horrek ematen baitio aurrera egiteko arnasa. 
Baina Kooperatibako bazkide izateak, betebeharrez gainera, onura sozial eta material asko ere ematen dizkigu; euskaraz eta balio eraldatzaileen arabera bizitzeko tresnak eta onurak.

Komunikabide bat izatetik komunitate proiektu integral bat izatera jauzi egin duen proiektua da Aiaraldea Ekintzen Faktoria

Erronka handiak ditugu esku-artean, marraztu ditugun ametsen tamainakoak, eta bide hori egiten jarraitzeko ZU ere behar zaitugu, ZURE BAZKIDETZA BEHAR DUGU proiektu guzti hauek herritarrenak eta herritarrentzat izan daitezen, euskararen komunitatea Aiaraldean ahaldundu, hazi eta garatu dadin.

 

BAZKIDE IZATEAREN ONURAK

Asko. Lehena eta garrantzitsuena AIARALDEA EUSKALDUN ETA ERALDATZAILE bat erdietsi nahi duen proiektu eder honen parte izatea, eta ez, ez da gutxi.

Baina onura materialak ere izango ditu kooperatibako bazkide izateak.

 

KOOPERATIBAN ERABAKIMENA eta INFORMAZIOA.

  • Batzar Orokorretan eta lan-batzarretan parte hartu eta erabakiak hartzeko eskubidea izango duzu (bazkide bat, boto bat printzipioa ezarrita).
  • Borondatezko kapital ekarpenak egiteko aukera izango duzu, urteko % 0,4ko interes tasarekin.
  • Informazio barne-buletinak hilero jasoko dituzu zure e-posta helbidean.

BESTELAKO ONURAK KOOPERATIBAN

  • Kooperatibak egiten dituen kontratazioetan lehentasuna izango duzu.
  • Kooperatibak antolatzen dituen jardueretan, lehentasunezko izen-ematea izango duzu.
  • “Aiaraldea Etzi” hausnarketa, analisi eta komunitatearen garapena sustatuko duen aldizkari hiruhilabetekari berria etxeko postontzian jasoko duzu.

KOMUKABIDEAN IZANGO DITUZUN ONURAK

  • Beste herritarrek baino lehenago jasoko duzu egunkariaren bertsio digitala. 
  • Egunkaria etxeko postontzian jasoko duzu.
  • Urtean behin eskela bat doan argitaratzeko aukera izango duzu.
  • Aldizkari berezien ale bat etxeko postontzian jasoko duzu.
  • Asteroko zozketetan onurak edo abantailak izango dituzu.

FAKTORIAN IZANGO DITUZUN ONURAK

  • Faktoriako espazioak (sukaldea, jantokia, oholtza...) erreserbatzeko lehentasuna eta txoko bezala erabiltzeko aukera izango duzu. 
  • Elikagaien ekonomatuan erosketak prezio berezian egin ahal izango dituzu.
  • Taberna eta sukalde zerbitzuetan prezio berezia izango duzu.
  • Ordainduzko kultur ekitaldietan prezio berezia izango duzu.
  • Ordainduzko formazio ekimenetan prezio berezia izango duzu.
  • Ordainduzko hezkuntza eta aisialdi eskaintzetan (ludoteka zerbitzuak, udalekuak, eskolaz kanpoko jarduerak) prezio berezia, deskontua.

EKONOMATUAN IZANGO DITUZUN ONURAK

  • Faktorian kokatuko den ekonomatuko erosketetan (tokikoak eta ekologikoak diren elikagaien erosketetan) prezio berezia izango duzu. 
  • Erosketa kolektiboetan deskontuak eta bestelako onurak (etxerako zerbitzua adibidez)izango dituzu.

 

HEZKUNTZA JARDUERETAN IZANGO DITUZUN ONURAK

  • Haur zein helduentzako antolatzen diren jarduera eta zerbitzuetan % 15eko deskontua (udalekuak, irteerak, formazio ekintzak...)
  • Hezkuntza ildoaren informazio buletina jasoko duzu e-postan.

KONTSUMO ALTERNATIBETAN IZANGO DITUZUN ONURAK

  • Ekonomia sozialeko kontsumo alternatibetan onurak izango dituzu (Goiener, Izarkom, Koop57...) 

* Onura hauen garapena zehazteke dugu.

KOOPERATIBAREN BALIABIDEETAN IZANGO DITUZUN ONURAK

  • Kooperatibak bazkideentzat eskuragarri jartzen dituen baliabide materialak erabiltzeko aukera (kamerak, soinu ekipoak, inprimategi zerbitzuak, tripodeak...).

 

BAZKIDE IZATEKO INTERESA DUZU? ZALANTZAK DITUZU?

Jar zaitez gurekin harremanetan ondorengo formularioa beteta edo beste bide hauek erabilita, eta jarriko gara gu zurekin harremanetan.

  • Posta elektroniko bidez: bazkideak@aiaraldea.eus
  • Telefono bidez: 94 656 85 54 / 669 83 57 87 
  • Bulegora etorrita: Nerbioi kalea 12, behea LAUDIO - Araba-