13 tokitan egongo dira eskura Errigorako kontserbak eta olioa

Izar Mendiguren Cosgaya 2017ko martxoaren 9a
Deskargatu Info Ahotsak :

Auzolanean egiten dituzte loteak. Argazkia: Errigora

Aiaraldea Komunikazio Leihoko bulegoan ere egongo da Erriberako produktuak eskatzeko aukera. Martxoak 14 aurretik egin behar da eskaera.

"Uztaberria" deitu diote Erriberako ekoizleak eta euskalgintza indartzea helburu dituen Errigorako udaberriko kanpainari. "Eskutik eskura, baratzetik sukaldera" hurbiltzea produktuak da asmoa. Hala, martxoaren 1etik 14ra Nafarroa hegoaldeko oliba-olio birjina estra eta kontserba-loteak eskatzeko aukera izango da, euskaraz etiketatuta eta jatorrizko prezioan. 

Aiaraldea Komunikazio Leihoak ere egin du bat ekimenarekin. Horrez gain, Amurrion, Laudion, Okondon, Orozkon eta Urduñan ere egongo da erosketa egiteko aukera. Eskaerak jakinarazteko bi modu daude: www.errigora.eus atarian apuntatzea edo salmenta puntuetara bertaratzea. 

 

Errigorako produktuen salmenta guneak

LAUDIO

  • Aiaraldea Komunikazio Leihoaren bulegoa
  • Berbots euskaltegia (AEK)
  • Laudio Ikastola
  • Arrañope
  • Eska tailerra

AMURRIO

  • AEK 
  • Aresketa Ikastola
  • Txokogorri 

URDUÑA

  • Herri eskola
  • Mugalde

OROZKO

  • Ezpelabarri
  • Ikusi Makusi

OKONDO

  • El meson taberna 

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide