Aratz Garmendiak eta Kerman Lejarragak ikastaroa emango dute Amurrion Euskal Herria-Eskozia borrokaldia sustatzeko

Aitor Aspuru Saez 2017ko apirilaren 11
Deskargatu Info Ahotsak :

Kerman Lejarraga eta Aratz Garmendia.

Aratz Garmendia eta Kerman Lejarraga borrokalari profesionalek ikastaroa eskainiko diete erosten dituztenei sarrerak Euskal Herria-Eskozia borrokaldia ikusteko. Amurrioko Bañueta Kiroldegian izango da hitzordua maiatzaren 13an, larunbatean.

Aratz Garmendiak MMA teknikak erakutsiko ditu eta Kerman Lejarragak boxeoa landuko du. Ikastaroan parte hartzeko Euskal Herria-Eskozia borrokaldirako sarrera erosi beharko dute interesdunek. Izan ere, Aratz Garmendia borrokatuko da gau-ekitaldian.

Sarrerak eskuratzeko antolatzaileen facebook orria jarrai daiteke.

Asteburuan biak Marbellan
Apirilaren 15ean Aratz Garmendia eta Kerman Lejarraga Marbellan lehiatuko dira "Chato" Benitezen omenaldian. Boxeolari andaluziarrak ringa utzi behar izan du, berez, koman egon zen egun batzuk BEC-en "Chatarrero"-ren aurka Espainiako Txapelketa galdu ostean.

Kerman Lejarragaren azkenengo borroka izango da Europan Estatu Batuetara joan baino lehen.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide