Amurrion erregistratutako langabetuen kopuruak gora egin du. Egun 952 pertsona dira egoera horretan aurkitzen direnak. Horietatik 486 emakumeak dira eta 466 gizonak. Aurreko hiruhilekoarekin alderatuta %5,54 igoera eman da, eta aurreko urteko epe berdinaren aurrean %11,61 hazkundea. Hala ere, kontutan hartu behar da Araban 888 afiliatu gehiago daudela, guztira 141.960. Aurreko urtearekin alderatuta, aldiz, %0,4 jaitsi da.
Kotizazio erregimenei dagokionez, orokorrak %0,33ko hazkundea jasan du, 389 izen ematerekin. Autonomoek ere gora egin dute, %0,52an, 110 afiliatu gehiago suposatzen duena.
Hiruhileko berdinean, 1991 kontratu egin dira, aurrekoan baino %3,75 gehiago. Aurreko urteko epe berdinarekin konparatuta 683 kontratu gehiago. Gizonezkoen kontratuek %2,33 egin dute behera, emakumezkoenak %55,17 hazi diren bitartean. Hala ere, emakumeen kontratu bakoitzeko zortzi baino gehiago egiten dira gizonezkoen alde.
Kontratuen osotasunetik, %77,31 industrian egin da, 1537rekin. Zerbitzuetan 381 eta eraikuntzan 70. Industriako kontratuek %1,59 egin dute gora aurreko hiruhilekoarekin konparatuta, eta %104,12 aurreko urteko epe berdinarekin.
Azkenik, 25 urte beherakoen langabezia izan da behera egin duen bakarra.