Salvada Mendilerroko, Arkamo-Gibijo-Arrastariko eta Urkabustzeko irla-hariztietako planak eztabaidatuko dira
Natura 2000 Sarearen kudeaketa planaren aurkezpena egingo du Eusko Jaurlaritzak datorren uztailaren 10ean Izarrako Udaletxean. Jaurlaritzako Biodibertsitate eta Ingurumen Partaidetzarako Zuzendaritzak babes plan bat abian jartzeko asmoa dauka datozen sei urteetan Salvada Mendilerroan, Arkamo-Gibijo-Arrastarian eta Urkabustaizeko irla-hariztietan. Helburua hiru gune horietako biodibertsitatea mantentzea izango da.
Hala, datorren asteko bileran planaren nondik norakoak azalduko dira eta bertaratzen direnen iritzia jasoko da. Bileran gaian interesa duen edonork hartu dezake parte. Antolatzaileek bi dokumentu irakurtzea eskatu diete bertaratzeko asmoa dutenei (argazkiaren azpian daude eskuragarri).
Red Natura 2000 Europa mailako sare ekologiko bat da, "balio ekologiko handiko" habitat natural eta erdinaturalak barnebiltzen dituena, Jaurlaritzaren arabera. Aipatutako hiru zonaldeak 2003an sartu ziren plan horren baitan. Hala, gune horiek Kontserbazio Gune Berezi izendatu ziren eta euren mantentzerako planak diseinatu ziren. Plan horien datozen sei urtetarako helburuak dira datorren asteko bileran eztabaidatuko direnak.