Irailaren 26an hasi eta hiru egunetan luzatu den grebaren balorazio positiboa egin dute ELA eta LAB sindikatuek. Langileen gehiengoak egin du greba, produkzioan erabateko jarraipena izan duelarik, ezarritako zerbitzu minimoen eta ikuskari zein agintarien salbuespenarekin.
Hala ere, borroka egun hauek ez dira gatazketatik libratu. Sindikatuek enpresaren jarrera salatu dute, ikuskariak eta segurtasunerako guardiak 48 orduz egon direlako lanean. Hala, lantegian koltxonetetan lo egin dutela azpimarratu dute, langileriak bere dituen hainbat eskubide urratuz. Gainera, zuzendaritzak, zerbitzu minimoak, labe inguruko lanetan, %100etik gertu agindu zituen.
Sindikatuek greba aurreko egunean enpresak geldiunea saihesteko saiakera bat egin zuela esan dute, 3 urtetako hitzarmena eskainiz eta KPIa saihestuz. Langileek ez zuten onartu.
Bukatzeko, “Rajoyren erreformaren” erabateko gelditzea eskatu eta euren eskubideen aldeko mobilizazioek aurrera jarraituko dutela adierazi dute. Horien artean, laster egitekoa den manifestazioa.
[video:http://www.youtube.com/watch?v=uINzDif7kmc width:360 height:250]