Arabako Foru Aldundiak gaur onartu du dirulaguntza deialdia lurraldeko koadrilen euskararen arlo teknikoan laguntzeko. Deialdiaren helburua da euskara teknikarien kontratazioaren kostua finantzatzen laguntzea, lurraldean euskararen ezagutza eta erabilera sustatzeko programak gauzatzeko, hori baita
Euskara, Kultura eta Kirol Sailak legegintzaldi honetan dituen erronka nagusietako bat.
Eskaerak aurkezteko epea hogeita hamar egun naturalekoa izango da, deialdia ALHAOn argitaratu eta hurrengo egunetik aurrera. Laguntzen zenbatekoari dagokionez, euskara teknikariaren kontratazioaren kostuaren %80koa izango da, eta gehienez ere 43.080 euro onuradun bakoitzarentzat.
Ekarpenaren gainerakoa Eusko Jaurlaritzak eta udalek jarriko dute. Koadrila guztiak izan daitezke onuradun, Gasteizkoa izan ezik. Trebiñuko udalek ere eskura dezakete.
2010etik zazpi teknikari dituzte kuadrillek, honela banatuta: Aiara, Agurain, Kanpezu, Zuia, Guardia - Arabako Errioxa eta Añana; Trebiñuk 2011n hartu zuen bere laguntzailea, eta eutsi egin dio egun arte.
Aldundiak diru-laguntza deialdia ireki du lurraldeko koadriletan euskara teknikariak kontratatzeko
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide