Gobernu Kontseiluak Amurrion lursailak erostea onetsi du, El Refor eraikinaren eta Saratxoko industrialdera sartzeko bidearen artetik etorkizunean igaroko den bide zatian Nerbioiko Parke Linealaren Bide Berdearen beste zati bat egiteko.
Aiaraldea eskualdearen Berehalako Jarduera Planaren proiektu eragileetako baten barruan kokatzen da jarduketa hori, eta mugikortasun jasangarriarekin eta udalerrien arteko interkonektagarritasunarekin lotuta dago. Proiektu horren barruan, Nerbioiko Parke Linealean esku hartzea eta zenbait tarte eta Bizkaiarekiko loturak martxan jartzea aurreikusten da.
Eusko Jaurlaritzak parte hartzen duen proiektu honen esparruan, Foru Aldundiari obrak gauzatzeko, kontratatzeko eta esleitzeko proiektuak kudeatzea dagokio. Ildo horretan, eta etorkizuneko zatia egin ahal izateko, Amurrion hiru lursail erosi behar dira.
Foru erakundeak 352.916,81 euro erabiliko ditu hiru lursail horiek erosteko.
Nerbioiko Parke Linealeko Bide Berdea 15 kilometro inguruko ibilbidea da, Laudio, Luiaondo eta Amurrio lotzen ditu, eta Nerbioi ibaiaren goiko zatian luzatzen da, Delikatik hasita. Orain arte, 91.637 pertsonak egin dute bidea, oinez edo bizikletaz.