Aresketa Gimnasia klubeko oinarrizko jubenil taldeak denboraldia bukatu berri du. Urrian euskadiko Txapeldun bilakatu ostean, azaroaren 22an Espainiako Txapelketa lehiatu zuten. Ariketa ona egin zuten eta zazpigarren postua lortu zuen, 66 talderen artean.
Aurretik Euskalgym estatu mailako lehiaketan parte hartu zuten, bigarren postua eskuratuz 35 talderen artean; geroago Espainiako txapeldun izango zen Morvedre taldearen atzetik.
Taldearen denboraldia irailan hasi zen eta balorazio orokorra oso ona izan da. Inguruko taldeen aurka lehiatutako txapelketa guztietan garaipena lortu dute, guztira 4 garaipen lortuz. Horretaz aparte Euskalgym-eko 2. postuak eta Espainiako Txapelketako 7. postuak Aresketa klubaren taldekako denboraldi hoberena izatea ekarri dute.
Oinarrizko jubenil taldearen ariketa eta klubeko beste gimnasta guztien ariketak erakusteko abenduaren 11n, 19:30etan, Gabonetako Emanaldia egingo dute Bañueta kiroldegian. Horrela, Aiaraldeko pertsona guztiek gimnasia erritmikoaz gozatzeko aukera izango dute.
Hurrengo larunbatean, abenduaren 19an 18:00etan, urtero ospatzen den Arabako Federazioaren Gabonetako Emanaldian egongo dira Arabako beste gimnastekin batera, bai gimnasia erritmiko bai beste gimnasia motetako ariketak batuz.