Emakumeei buruz hitz egiteko eskatu dit Menagaraiko emakumeen taldeak eta nire eleberriko pertsonaien bitartez egin dut hori. Bizi-baldintza ezin gogorragoak jasan behar izan zituzten emakume haien indarra ekarri nahi dut gogora. Baserrien arteko trukerako txanpon ziren, baina foruek aitortzen zizkieten eskubideak ezagutu eta baloratzen zituzten. Ezkontzea eta umeak edukitzea, horra hor euren eginkizuna. Izan ere, ezkongabe geratzeak zera esan nahi zuen: gainerako senideentzako lan egin behar izatea. Hori bai, jaiotzez Bizkaiko kapare (“hidalga”) zirela jabetuta, ez ziren beldurtzen ezkontzeko proposamen faltsuen aurrean. Nobela prestatzen behin baino gehiagotan aurkitu nituen emakumeek gizonen aurka abiarazitako auzien frogak. Gizon horiek, hain zuzen, ez zuten emakumeen ohorea urratu, baizik eta zerbait garrantzitsuagoa: euren etorkizuna. Emakumeek ez zuten bizitza-publikoa delakoan parte hartzen, eta are gutxiago ekonomiaren eta politikaren esparruetan. Hala eta guztiz ere, esan bezala, legeak aitortzen zizkien eskubideak zein ziren bazekiten, eta defendatu egiten zituzten. Gizonak bezain bizkaitarrak eta nobleak ziren, eta horretaz jabetuta egoteak bide eman zien gizonezko ugazaba zein basailuei parez pare begiratzeko. Nobela idazten ari nintzela, beraz, jakin nuen hemengo neskameek bizi izan zuten errealitateak ez zuela zerikusirik Urduñako mendateaz eta Balmasedaz haraindiko neskameen bizi-baldintzekin. Gure lurraldeko emakumeak ez ziren sumisoak, ez zioten inori men egiten. Bada zerbait.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide