Norena da enplegua?

Aiaraldeak eskual­dean 3.532 langa­betu daudela argi­taratu zuen aurreko alean. Madriletik kapitalaren eta agintarien mesedetarako neurriei esker enpleguaren suntsiketa egunero ikusten dugu . Eskubide sozialak, gu­txi eta urriak izan badira ere, suntsituak izaten ari dira.

 Enpleguaren suntsiketari au­rre egiteko hiru bide daude; suntsiketa gelditzea, enplegua­ren sorrera eta banaketa.

Suntsiketa behin eta berriz borrokatu behar dugu. Per­tsona orok hartu beharko li­tuzke bere gain lan gatazkak, EREak, kaleratzeak... Suntsike­ta hauek ere guztioi eragiten di­gutelako.

Enpleguaren eraketan insti­tuzioek daukate zeresan han­diena. Kalitatezko enplegua bermatzeko, zerbitzu publikoak pribatizatzeko joerarekin amai­tu beharra dago. Eremu priba­tuan, inbertsioetan dago koska, batez ere I+G+B-en, dirua egon badagoelako.

Gaur egun dagoen enplegua banatu daiteke, lanaldiak mu­rriztuz, aparteko orduak behin­goz eta benetan ezabatuz, jubi­lazio adina aurreratuz... beti ere lan eta soldata prekarioak eki­dituz, herrialdeko zein enpre­sako hitzarmenak errespeta­tuz...

Hau guztia aurrera eramate­ko, Madrili planto egiteko, gure bidea egiteko, Euskal Herriko instituzio, eragile politiko, sin­dikatu, eragile sozial, patronal, enpresari eta langileen kon­promisoa eta benetako nahia behar da. Pausoak guztiok eman behar ditugu.