“Sexu ahula da”, “ezinezkoa da beraientzat”, “ezin da emakumeen merituak gizonezkoekin konparatu”. Ez dira adierazpen bakanak, bizitzan zehar kirola praktikatu duten emakume gehienek behin baino gehiagotan entzun behar izan dituzten esaldiak baizik. Urteak pasa ahala adierazpen horiek gezurrak direla frogatu da.
Mireia Belmonte, Garbiñe Muguruza, Edurne Pasaban, Lydia Valentín... elitean lehiatzea eta irabaztea lortu duten makina bat emakumeren izenak. Kirolari hauek emakumeek kirolean garrantzi handia dutela erakutsi dute, ez da sexu ahula, ez da ezinezkoa beraientzat, emakume kirolariek eskuratzen dituzten lorpenak gizonezkoekin erkatu daitezke.
Hala eta guztiz ere, emakume kirolariek gizonak baino askoz gutxiago irabazten dute eta gizonak baino gutxiago ateratzen dira komunikabideetan.
Emakumeen Nazioarteko Egunean, martxoaren 8an, bostehun kirolarik baino gehiagok sinatu zuten kirolean berdintasunaren aldeko adierazpena. Idazki horretan hainbat gauza eskatu zituzten, esaterako: hedabideetan gehiago agertzea, emakume kirolariei lan-legepeko kontratuak egitea, edota emakume eta gizon kirolarien lan baldintzak parekatzea.
Eskubideen berdintasunaren alde asko garatu arren, badago itxaropen hori lortzeko eta badaude kalitate handiko emakume kirolaria.