Pasaden igandean Arbietoko neskek denboraldiko bigarren zatiari hasiera eman zioten. Bigarren atal honetan hiru partidu jokatuko dira ligako beste multzoan antzeko postuetan geratu ziren taldeekin. Lehiatutako lehengo partidua ez zen Aiaraldeko neskek espero zuten moduan igaro. Tyerrik zuzendutako taldeak Adiskideak taldearekin neurtu zen Montefuerte zelaian.
Nahiz eta etxeko taldea bat eta huts irabazten joan, CD Orduñak markagailuari buelta ematea lortu zuen Paula Zarateren bi golekin eta markagailu horrekin atsedenera joan ziren. Bigarren zatia erabat aldatu zen. Etxeko taldeak erritmoa igo zuen eta hori markagailuan islatu zen. Partidua zortzi eta bi bukatu zen Leioako nesken alde.
Hurrengo asteburuan CD Orduña Leioako Emakumeak taldearekin neurtuko da Sarriena zelaian. Eta hirugarren -eta azken- partidua hurrengo astean jokatuko dute Berrio-Otxoaren aurka.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
