Amurrioko Zaraobe STk Gabonetako txapelketa egingo du aste honetan zehar. Kategoria ezberdinetako kirolariak lehiatuko dira: infantil mailakoak (emakumezkoak eta gizonezkoak), kadete maskulinoak, alebinak (mixtoak, 2. urtea daramaten emakumezkoak eta maskulinoak) eta seniorrak (emakumezkoak zein gizonezkoak). Hauek izango dira parte hartuko duten klubak: CB Zaraobe ST, Bedarbide, Padura, Sugarrak, Balmaseda, Aresko Saskieskola, Green Bay, Benjamin, Arabako emakumeen selekzioa eta Tabirako.
Gaur hasiko da txapelketa bi partidurekin. Aurrenekoa emakumeena izango da, 17:30ean jokatuko baitute Amurrioko Zaraobe ST eta Urduñako Bedarbide taldeko infantilek. 19:15etan, berriz, kadete maskulinoen txanda izango da, Zaraobe ST eta Paduraren arteko norgehiagoka.
Asteartean, lau partidu egongo dira. 10:30ean eskola mailako Zaraobe ST eta Sugarrak taldeak zelairatuko dira, eta 12:00etan alebin mixtoak (Zaraobe ST eta Bedarbide). Arratsaldean, aldiz, alebin maskulinoek hartuko dute kantxa, Zaraobe ST eta Sugarrak taldekoek lehendabizi (17:30); eta infantil maskulinoek ondoren, Zaraobe ST eta Balmasedak (19:15).
Asteazken eta ostegunean goiz zein arratsaldez jarraituko du txapelketak. Guztira 19 partida izango dira, eta ostiralean izango da azkena. Txapelketaren jarraipena zein ordutegiak kontsultatzeko zaraobest.com webgunea bisita liteke.