2015eko maiatzean egingo diren udal hauteskundeetarako lan poltsa irekiko du Laudioko Udalak. Hautatuak administrazioaren ordezkariak izango dira hauteskundeetan eta hautes-mahaietan.
Lan eskaintza Laudion erroldatutako pertsonentzat zuzendua dago. Hartarako, batxilergoa, lanbide-heziketa 2 edota baliokidea eskatuko dira. Hizkuntzari dagokionez, euskararen hirugarren perfila edota baliokidea.
Adierazi dutenez, administrazioaren ordezkaria izateak ez du Udalarekin lan loturarik ezartzen. Hala, prestazioak legeak ezarritakoak izango dira. Lana mahaien irekiera akta, gertatutakoak, botoen zenbaketa eta partaidetza datuak jasotzera bideratuta egongo da. Pertsona bana mahai bakoitzeko.
Lan poltsan parte hartu ahal izateko Laudioko Udaleko idazkaritzan eskaera aurkeztu beharko da, azaroaren 17tiko 28rako epean. Hautaketa zozketa bidez egingo da, abenduaren 10ean.
Modu horretan hainbat herritarrei diru sarreraren bat eskuratzeko aukera eman nahi diete.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
